Казанда «СтендапМаршрут» мәгърифәтчелек медиапроекты — танылган стендап-комиклар юмористик формада шәһәр маршрутлары буенча экскурсияләр үткәрә торган реалити-шоу циклы төшерелә. Оештыручы булып Президентның Мәдәни инициативалар фонды гранты кысаларында «Кастом Продакшн» компаниясе тора. Чыгарылышларны «Точка.ру», «Кинопоиск» видеосервисында һәм проектта катнашучыларның каналларында карап булачак.

Октябрьдә Казанда II Рәсәй-Һиндстан «TIME: Рәсәй – Һиндстан. Үзара нәтиҗәлелек» бизнес-форумы узачак. Чара B2B-сөйләшүләр, контрактлар төзү һәм перспективалы тармаклар белән танышу өчен мәйданчык булачак — энергетикадан алып ІТга кадәр. Оештыручылар туризм һәм Татарстан кунакчыллыгы өлкәсе белгечләрен күргәзмә экспозициясен формалаштыруда катнашырга һәм Һиндстан партнерларына үз потенциалын тәкъдим итәргә чакыра. 

2026 елда «Казан — Яр Чаллы» метеорында яңартылган тизйөрешле маршрут 9 279 пассажир ташыган, уртача йөкләнеш 89% тәшкил иткән. Юнәлеш 2027 елга расписаниедә сакланачак, шулай ук аны Менделеевскига кадәр озайту карала.

Мәктәп укучылары һәм студентлар белгечләрдән блогинг буенча онлайн-курс узарга һәм Рәсәй буенча сәяхәтләр турындагы язмалар конкурсында призлар өчен көрәшергә мөмкин. «Больше чем путешествие» АНО «Больше, чем блогер» проектының йомгаклау агымын башлап җибәрә.