Казанда «СтендапМаршрут» яңа мәгърифәтчелек проектын төшерү бара
Казанда «СтендапМаршрут» мәгърифәтчелек медиапроекты — танылган стендап-комиклар юмористик формада шәһәр маршрутлары буенча экскурсияләр үткәрә торган реалити-шоу циклы төшерелә. Оештыручы булып Президентның Мәдәни инициативалар фонды гранты кысаларында «Кастом Продакшн» компаниясе тора. Чыгарылышларны «Точка.ру», «Кинопоиск» видеосервисында һәм проектта катнашучыларның каналларында карап булачак.
Казанда «СтендапМаршрут» мәгърифәтчелек медиапроекты — популяр стендап-комиклар шәһәр буйлап экскурсияләр үткәрә торган реалити-шоу циклы төшерелә. Оештыручы булып Президентның Мәдәни инициативалар фонды гранты кысаларында «Кастом Продакшн» компаниясе тора.
Проект Казан тормышының төрле якларын үз эченә алган ун экскурсия маршрутыннан гыйбарәт: спорт, мәдәният, гастрономия, серле, университет, заманча, шулай ук балалы гаиләләр, гашыйклар өчен маршрутлар, Казанның топ-5 урыны һәм татар халкы мәдәнияте.
Һәр чыгарылышта танылган комик гидка әверелә һәм шәһәрнең тарихы һәм истәлекле урыннары турында юмористик формада, артык үгет-нәсыйхәтсез сөйли.
Алып баручылар арасында-Stand Up club #1 резидентлары һәм популяр шоуларда катнашучылар: Илнур Әсхәдуллин, Татьяна Березовская, Фил Воронин, Алексей Квашонкин, Всеволод Ловкачев, Матвей Ромашкин, Ярослава Тринадцатко, Алексей Соловьев, Тимур Хәмәдуллин, Артур Шәмгунов. Мәсәлән, «Серле Казан» «маршрутын Алексей Квашонкин алып бара — танылган стендап-комик, «Comedy Баттл»ның өченче сезоны катнашучысы, фәнни импровизация шоу һәм «Китап клубы» проектының идея илһамчысы.
Төшерү Казанда City Sightseeing махсус ике катлы туристик автобуста уза. Экскурсантлар сыйфатында җирле халык чыгыш ясый. Сценарийлар өчен методик материаллар «Казан инженер күзләре белән» компаниясе тарафыннан әзерләнде һәм Президентның Мәдәни инициативалар фонды тарафыннан хупланды, ә адаптация белән стендап-комиклар үзләре шөгыльләнә.
Проектның төп максаты — яшьләр аудиториясен агарту, Казан тарихын һәм мәдәниятен популярлаштыру, стереотипларны фаш итү һәм милләтара һәм дин ара диалогның мөһимлегенә басым ясау. Проект 18-35 яшьлек актив яшьләргә, шулай ук Рәсәйдә стендап-комедияне яратучыларга юнәлдерелгән.
«Стендапмаршрут» чыгарылышларын «Точка.ру» телеканалынд , «Кинопоиск» видеосервисында, шулай ук октябрь ахырында проектның барлык катнашучылары каналларында күрергә мөмкин булачак.
«СтендапМаршрут» ачык һәм танып белү проектына әверелергә вәгъдә итә, ул тамашачыларны Казанга шәхсән килергә һәм туган ил тарихын тирәнрәк өйрәнергә этәрә.