Туристлык тармагының кадрлар потенциалын үстерү үзәгендә Россиянең 22 төбәгеннән командалар укуларын дәвам итә
Идел буе дәүләт физик культура, спорт һәм туризм университеты базасында «Туристлык һәм кунакчыллык индустриясе» илкүләм проекты кысаларында оештырылган туристлык тармагының кадрлар потенциалын үстерү үзәгендә Курск, Калуга өлкәләреннән, Донецк Халык Республикасыннан, Дагыстан, Удмуртия Республикаларыннан һәм Россиянең башка төбәкләреннән командалар белем ала. Уку заманча цифрлы җиһазлар кулланып, турыдан-туры-читтән торып уза.
Ел дәвамында төбәк командаларына алты белем бирү модулен үтәргә кирәк. Беренче модуль киләчәк проектны гамәлгә ашыру өчен территорияне анализлауга һәм сайлауга багышланган. Икенче һәм өченче модульләр бизнес-план төзүгә һәм финанс модельләре төзүгә юнәлдерелгән. Дүртенче модуль туристлык инфраструктурасын эшләтеп җибәрү программасын формалаштыруны үз эченә ала. Бишенче модуль территория белән идарә итү моделен булдыруны күздә тота. Алтынчы модуль - әзер проектларны саклау.
Бүгенге көндә туристлык өлкәсе кадрлар потенциалын үстерү үзәгендә белем алучыларның барысы да беренче белем бирү модулен уңышлы узды, үз төбәкләренең туристлык территорияләрен аналитик тикшеренүләр үткәрде, үзләре өчен иң перспективалыларын билгеләде һәм үз проектларын эшли башладылар.