Татарстан Республикасы MITT 30 нчы Халыкара күргәзмәсендә катнаша
MITT – туристлык һәм кунакчыллык индустриясенең Халыкара күргәзмәсе 30 елдан артык ел саен Мәскәүдә туристлар сезоны ачылыр алдыннан уза. Ул дөнья җәмәгатьчелеге тарафыннан туристлык өлкәсендә нәтиҗәле b2b чарасы буларак танылган. ел саен MITT күргәзмәсенә 13 меңләп профессиональ сатып алучы килә.
Быел күргәзмәдә Россиянең 29 иленнән һәм 58 төбәгеннән 790 экспонент катнаша.
Татарстан данын зур делегация тәкъдим итте. Республиканың 40ка якын компаниясе Visit Tatarstan стендында безнең юнәлешнең турпотенциалын күрсәтә, катнашучылар арасында: туроператорлар, «Казан Кремле» музей-тыюлыгы, Алабуга музей-тыюлыгы, «Зөя утрау-шәһәре» музей-тыюлыгы, Болгар музей-тыюлыгы, «Туган авылым» милли комплексы, «Зөя калкулыклары» курорт-шәһәре, Kazan Palace by TASIGO, Kol Gali Resort&Spa, «Luciano», «Ривьера», «Ногай» кунакханәләре һәм башкалар.
Күргәзмә кырында туристлык тармагы вәкилләре тармак семинарларында, тотрыклы туристлыкны үстерү буенча киңәшмәдә катнаштылар, Россия Икътисадый үсеш министрлыгы вәкилләре белән очрашуда төбәкләрдә керүче туристлыкны үстерү проблемалары һәм перспективалары турында фикер алыштылар.
19 мартта Мәскәү, Санкт-Петербург һәм Татарстан Республикасының туристлык потенциалын чит ил базарларында бергәләп алга этәрү максатыннан өч яклы килешүгә кул кую, шулай ук 20 мартта Ингушетия Республикасы белән хезмәттәшлек турында килешүгә имза салу тантанасы узды.