Шереметьево башкала аэропортында Татарстан Республикасының имидж реклама кампаниясе старт алды

2023 елның 3 ноябре, җомга

Яңа ел кәефе идеядән башлана. Казанга очтык! Шереметьево башкала аэропортында шундый  сүзләр белән Татарстан Республикасының имидж реклама кампаниясе старт алды.

Россия буенча эчке рейсларда Шереметьеводан очып китүче туристларны якындагы берничә ай Татарстанда кышкы ял мөмкинлекләрен күрсәтүче 10 матур постер каршы алачак. Постерларда республиканың туристлык үзәкләре, шулай ук бер туристны да битараф калдырмый торган активлык үзәкләре сурәтләнгән.

Татарстан Республикасы кунаклары Visit Tatarstan туристлык порталында истәлекле урыннар, милли ашлар, җирле традицияләр белән таныша ала, анда республикада сәяхәтләр турында бик күп файдалы мәгълүмат бастырыла.