ЯҢАЛЫКЛАР

15 март көнне “Мархаба” ресторанында “Татарстанда 1001 ләззәт” яңа бренд маршрутын Татарстан Республикасының массакүләм матбугат чаралары өчен тәкъдим иттеләр. Яңа маршрут хакында Татарстан Республикасының туризм буенча Дәүләт комитеты рәисе Сергей Иванов, Татарстан Республикасының Туризм үсеше үзәгенең генераль директоры Дилбәр Садыкова һәм “Мархаба” ресторанының шеф-повары Алекс Галимов сөйләп уздылар.

“Татарстанда 1001 ләззәт” яңа бренд маршруты Visit Tatarstan туристик брендының идеологиясенә җавап бирә. Бу туристларга республика тарафыннан тәкъдим ителгән заманчалык һәм алдынгылыкның иң сыйфатлы төре. Маршрутның төп максаты – “Абау” эффекты ярдәмендә Татарстанның иң танылган истәлекле урыннарын гадәти булмаган яктан күрсәтү. Нәрсә соң ул “Абау” эффекты? Бүтәнчә әйткәндә, “Wow” белән охшашлык элементлары: кунакларның кәефләрен күтәрә торган көтелмәгән вак-төякләр һәм детальләр. Сергей Иванов сүзләре буенча: “Хәзерге заманда кешеләрнең гадәти туристлар түгел, ә сәяхәтче буласылары килә. Җирле тәҗрибәне, тарихны, тормыш рәвешен өйрәнеп, җирле кешеләр кебек бераз яшәп алу мөмкинлекләрен карыйлар. Бу яңа бренд маршруты әлеге тенденцияләргә таянып төзелде дә инде. Безнең төп бурычыбыз: кешеләрнең бу сәфәрдә барлыкка килгән хис-кичерешләре күңелләрендә озакка сакланып, Татарстаннан үз өйләренә кайтып, башка бер җирдә дә мондый әйберләрне күргәннәре, ишеткәннәре, тойганнары булмавы турында сөйләүләре. Бу маршрут туристларга бик нык ошаячак, республика алар өчен яңа буяулар белән күмелер һәм кайткач та, үз дусларына тәкъдим итәрләр дип ышанып калабыз.”

“Татарстанда 1001 ләззәт” маршруты – кунакчыллыкның яңа стандарты. 10 кешегә кадәр җыелган төркемне игътибарлы атташе һәрдаим озатып йөриячәк. Шул ук вакытта һәр сәяхәтче үзенә карата мөнәсәбәтне һәм кайгыртуны шәхси турда булган кебек итеп хис итәчәк. Туристлар Казан турында риваятьләрне Сөембикә-ханбикә исеменнән ишетә, Казансу елгасын яхта белән кичә, Зөя утрау-шәһәрчеге һәм Бөек Болгар шәһәренең көнкүреше нинди булуын күрә, төп милли ризыкларны республиканың иң яхшы рестораннарында татып карый, Иске Татар бистәсендә әби һәм бабай белән бергә “Әпипә”не бии, Татарстанных танылган эчемлекләрен эчеп карый һәм Visit Tatarstan туристик брендыннан бүләкләр ала алачаклар.

Маршрутны барлыкка китерүдә Татарстанның эчке туризм өлкәсендә әйдәп баручы компанияләре һәм экспертлары катнашты. Авторлар, шулай ук, Татарстанга килүче туристларның теләкләрен һәм җавапларын исәпкә алдылар.

Маршрутның дәвамчылыгы: 4 көн/3 төн.

“Интурмаркет – 2018” халыкара туризм күргәзмәсе үз эшен тәмамлады. Бу вакыйга кысаларында Татарстан Республикасының туризм буенча Дәүләт комитеты тарафыннан туризм һәм кунакчыллык өлкәләрендә партнерлык турында берничә килешү имзаланды.

10 март көнне Татарстан Республикасының туризм буенча Дәүләт комитеты һәм Алтай төбәгенең тышкы элемтәләр, туризм һәм курорт эшләре буенча идарә хезмәте арасында туризм өлкәсендә хезмәттәшлек итү турында килешү имзаланды. Документка Татарстан Республикасының туризм буенча Дәүләт комитеты рәисе Сергей Иванов һәм төбәкнең тышкы элемтәләр, туризм һәм курорт эшләре буенча идарә җитәкчесе Юрий Захаров кул куйды. Тантаналы чарада туризм буенча Федераль агентлык җитәкчесе Олег Сафонов катнашты.

Шулай ук, 2018 елның Дөнья Чемпионатын үткәрү һәм әзерләү кысаларында “Ульяновск өлкәсенең туризм агентлыгы” дип исемләнгән Төбәкара Дәүләт казна оешмасы һәм Татарстан Республикасының туризм буенча Дәүләт комитеты арасында килешү төзелде. Моннан тыш, Татарстан Республикасының туризм буенча Дәүләт комитеты һәм Севастополь шәһәренең мәдәният буенча Баш идарәсе арасында туризм өлкәсендә хезәттәшлек  алып бару турында килешүгә кул куелды.

Мармарис шәһәренең делегациясе шәһәр мэры Али Аджар белән берлектә Татарстан Республикасының туризм буенча Дәүләт комитеты рәисе Сергей Иванов белән очрашты.

Бу очрашуда Төркия Республикасының Казандагы төп консулы Ахмет Садык Доган, халыкара аэропортның генераль директоры Даламан Ахмет Хамди Гювенч, “Бегишево” халыкара аэропортының генераль директоры Сергей Романцев һәм Татарстан Республикасының туризм өлкәсе вәкилләре катнашты.

Очрашу барышында Мармарис шәһәренең туристик потенциалы тәкъдим ителде, шулай ук, шәһәрләр арасында турыдан туры очу юллары һәм мөмкинлекләре барлыкка китерү турында сорау күтәрелде. Регионнар арасында булган уртак туризм агымын үстерү мәсьәләсе дә сөйләшенде.

Мәскәү шәһәрендә 12нче “Интурмаркет 2018” халыкара туристик күргәзмәсе үз эшен тәмамлый. Анда Татарстан 29 катнашучысы белән гомуми стендта тәкъдим ителә. Алар арасында Татарстан Республикасының туризм буенча Дәүләт комитеты, Алабуга Дәүләт музей-тыюлыгы, Зөя утрау-шәһәрчеге, Бөек Болгар шәһәре, Казан шәһәренең мәгълүмати – туристик үзәге, “Казан Кремле” музей-тыюлыгы вәкилләре, шулай ук, эчке һәм тышкы туризм белән шөгыльләнүче туроператорлар хезмәткәрләре бар иде.

Быелгы төп яңалык буларак, 360 градус форматында барлыкка китерелгән видеоларны күрсәтү мөмкинлеге булды. Виртуаль чынбарлык күзлекләрен кигән катнашучылар Республиканың төп тарихы урыннарына “сәфәр кыла алдылар”:  болытлар биеклегеннән Казан, Бөек Болгар, Зөя утрау-шәһәрчеген күрделәр. Моннан тыш, стенд кунакларына «cardboard» виртуаль чынбарлык күзлекләрен бүләккә тапшырдылар: хәзер алар дуслары һәм туганнары белән бергә видеоязмаларны һәрдаим карый алачаклар.

10 март көнне күргәзмә кысаларында Идел буе Федераль округы төбәкләренең туризм буенча Координация советы һәм Россия Федерациясенең Мәдәният Министрлыгы каршында эшләүче импортны алыштыру Комитеты утырышында “Бөек Болгар юлы” маршрутының презентациясе узды. Федераль туроператорларга Казан - Ульяновск - Самара - Пенза һәм Түбән Новгород - Чебоксар - Йошкар-Ола – Казан маршрутлары тәкъдим ителде. Маршрутларны камилләштерү буенча белгечләрнең бәяләмәләре алынды.

Мәскәү шәһәрендә 12нче “Интурмаркет 2018” халыкара туристик күргәзмәсе үз эшен тәмамлый. Анда Татарстан 29 катнашучысы белән гомуми стендта тәкъдим ителә. Алар арасында Татарстан Республикасының туризм буенча Дәүләт комитеты, Алабуга Дәүләт музей-тыюлыгы, Зөя утрау-шәһәрчеге, Бөек Болгар шәһәре, Казан шәһәренең мәгълүмати – туристик үзәге, “Казан Кремле” музей-тыюлыгы вәкилләре, шулай ук, эчке һәм тышкы туризм белән шөгыльләнүче туроператорлар хезмәткәрләре бар иде.

Быелгы төп яңалык буларак, 360 градус форматында барлыкка китерелгән видеоларны күрсәтү мөмкинлеге булды. Виртуаль чынбарлык күзлекләрен кигән катнашучылар Республиканың төп тарихы урыннарына “сәфәр кыла алдылар”:  болытлар биеклегеннән Казан, Бөек Болгар, Зөя утрау-шәһәрчеген күрделәр. Моннан тыш, стенд кунакларына «cardboard» виртуаль чынбарлык күзлекләрен бүләккә тапшырдылар: хәзер алар дуслары һәм туганнары белән бергә видеоязмаларны һәрдаим карый алачаклар.

10 март көнне күргәзмә кысаларында Идел буе Федераль округы төбәкләренең туризм буенча Координация советы һәм Россия Федерациясенең Мәдәният Министрлыгы каршында эшләүче импортны алыштыру Комитеты утырышында “Бөек Болгар юлы” маршрутының презентациясе узды. Федераль туроператорларга Казан - Ульяновск - Самара - Пенза һәм Түбән Новгород - Чебоксар - Йошкар-Ола – Казан маршрутлары тәкъдим ителде. Маршрутларны камилләштерү буенча белгечләрнең бәяләмәләре алынды.

Татарстан Республикасы вәкилләре Берлинда уздырылучы ITB күргәзмәсендә катнашты. Россия Федерациясенең регионнарын берләштергән Visit Russia стендында Татарстан Республикасын туризм буенча Дәүләт комитеты хезмәткәрләре, туризм үсешенә ярдәм итү Комитеты, Персона Грата туроператоры, Казан сәяхәт хезмәте, Тревел эндвок, Лидер, Тюльпан Тревел, “Особняк на Театральной”, “Олимп”, “Татар Инн” кунакханәләре тәкъдим иттеләр.

Күргәзмәнең эшлекле программасы кысаларында, Санкт-Петербург шәһәренең туризм үсеше буенча Дәүләт комитеты белән берлектә “Мәчетләр һәм Сарайлар” дип исемләнгән яңа төбәкара маршрут тәкъдим ителде.  Чараны йөзләгән кунак күрү бәхетенә иреште, алар арасында: туроператорлар, массакүләм матбугат чаралары һәм авиакомпанияләр вәкилләре. Ә Германиядә урнашкан Россия Илчелеге хезмәткәрләре аеруча мактаулы кунаклар булып чыктылар. Барлык катнашучылар арасында S7 авиакомпания билетларын һәм Санкт-Петербург белән Татарстанга сәфәр кылу нигезендә корылган “Мәчетләр һәм Сарайлар” программасына тур уйнаттылар.

Кичке якта Adlon кунакханәсендә Visit Russia офисының тантаналы ачылышы узды. Яңа җитәкче – Вадим Науменко әйтүенчә, якын арада 23 илдә 40 офис ачылырга тиеш. Германиядә генә дә 3 вәкиллек эшләп киләчәк. Чараны тантаналы рәвештә туризм буенча Федераль агентлыкның җитәкчесе О.П. Сафонов ачып җибәрде. Сәлам сүзләре белән Санкт-Петербург шәһәренең туризм үсеше буенча Дәүләт комитеты рәисе урынбасары – Нана Гвичия, Татарстан Республикасы туризм буенча Дәүләт комитетының туристик продуктны алга этәрү бүлеге мөдире – Айгөл Балахонцева, МБУ җитәкчесе – Дарья Санникова, Калининград һәм Свердловск өлкәләре вәкилләре чыгыш ясады.

Бүген Татарстан Республикасының туризм буенча Дәүләт комитетында КФУның Идарә, икътисад һәм финанслар институты, КАО “Татарстан Республикасының туристик волонтерлар ассамблеясы” һәм Татарстан Республикасының туризм буенча Дәүләт комитеты арасында хезмәттәшлек турында килешү имзаланды.

Бу чарада Татарстан Республикасының туризм буенча Дәүләт комитеты рәисе Сергей Иванов, КФУның Идарә, икътисад һәм финанслар институты мөдире Наилә Багаутдинова һәм КАО “Татарстан Республикасының туристик волонтерлар ассамблеясы” генераль директоры Юлия Баширова катнаштылар.

Әлеге килешү Татарстан Республикасының туризм өлкәсендәге волонтерлар хәрәкәтенең үсешенә багышланган озак вакытлы мөнәсәбәтләрне оештыруга һәм үстерүгә юнәлдерелгән.

ТурСтат аналитик агентлыгы узган ел мәгълүматлары буенча чит ил туристлары арасында иң популяр булган Россия регионнарын билгеләде. Рейтинг Россия регионнарында булган чит ил туризмын анализлау нәтиҗәләре буенча тузелгән. Исемлеккә Мәскәү һәм Санкт-Петербург шәһәрләре кертелмәгән: аларның һәркайсында 4 млннан артык чит ил туристы булган.

Кубань, Приморье, Кырым, Татарстан һәм Мәскәү асты өлкәсе узган ел нәтиҗәләре буенча Россия регионнары арасында чит ил туристларын иң күп кабул итүчеләр булып чыктылар.

ТурСтат аналитик агентлыгы мәгълүматлары буенча, узган елда Татарстанга 278 мең чит ил туристы сәфәр кылган.

Татарстан Республикасының туризм буенча Дәүләт комитетында Үзбәкстан Республикасының Ташкент өлкәсе вәкилләре белән очрашу узды. Бу чара кысаларында комитет рәисе Сергей Иванов тарафыннан Республиканың потенциалын тәкъдим итү узды. Шулай ук, Ташкент өлкәсенең хакиме Гуломҗан Ибраһимов Үзбәкстан Республикасын презентацияләде. Очрашу барышында киләсе хезмәттәшлек мәсьәләләре сөйләшенде.

12.00. "Яз Фарфория илендә". Балалар һәм аларның әти-әниләре өчен бәйрәм интерактив программасы. Билет бәясе - 200 сум. Катнашу өчен алдан язылу каралган. 

13.30. “Эрмитаж-Казан” үзәге һәм “Печка” иҗат остаханәсе күргәзмә буенча тематик экскурсиягә һәм “Салкын фарфордан чәчәк ясау” мастер-классына чакыралар. Билет бәясе (экскурсия+мастер-класс+материал) – 1800 сум. Бер билет буенча бер әти-әни һәм бер бала катнашырга мөмкин. Программа 4,5 сәгать дәвам итәчәк. Катнашу өчен алдан язылу каралган. 

16.00. “Эрмитаж-Казан” үзәге уеннар, лотереяләр һәм бүләкләр белән тулыландырылган “Фарфорда хатын-кыз дөньясы” тематик экскурсиясенә чакыра. Катнашу өчен алдан язылу каралган.Урыннар чикләнгән. Билет бәясе – 300 сум.

Өстәмә мәгълүмат һәм программаларга язылу өчен түбәндәге телефоннарга мөрәҗәгать итәргә: (843) 567-80-32, (843) 567-80-34.