ЯҢАЛЫКЛАР
2024 елда «The Камский» эко-отеле «Туристлык һәм кунакчыллык индустриясе» илкүләм проекты кысаларында дәүләт ярдәме белән булдырылган модульле капиталь булмаган чараларда 10 уңайлы номерга арттырып, номерлар фондын киңәйтте. Субсидия акчалары 7 яңа йорт сатып алуга һәм монтажлауга юнәлдерелгән.
«Кунакчыллык. Яңадан йөкләнеш-2024. БРИКС» укыту программасы ике көн эчендә кунакханә һәм рестораннар җитәкчеләре һәм линия персоналы, экскурсоводлар, музей хезмәткәрләре һәм туроператорлардан 1200ләп кешене җыйды. Аларга саммитның ничек узачагы турында сөйлиләр һәм югары дәрәҗәле кунакларны ничек кабул итәргә кирәклеген өйрәтәләр.
Татарстанда беренче булып 2020 елда ук ачылган Urman Сamp глэмпингы быел «Туристлык һәм кунакчыллык индустриясе» илкүләм проектының дәүләт ярдәме белән 5 яңа уңайлы модульле капиталь булмаган урнаштыру чараларына киңәйде. Субсидия акчалары яңа йортлар сатып алуга һәм монтажлауга юнәлтелгән, шулай ук проект кысаларында эшкуар үз акчаларына коммуникацияләр үткәргән һәм территорияне төзекләндергән.
Татарстан Республикасы глэмпинглары картасы «Туристлык һәм кунакчыллык индустриясе» илкүләм проекты кысаларында дәүләт субсидиясе ярдәмендә тагын бер проект белән тулыланды.Республиканың Зеленодольск районында, Казаннан 40 минутлык юл ераклыгында, «Ёлки» дигән яңа тематик глэмпинг үз ишекләрен ачты. Субсидия капиталь булмаган модульле чараларны сатып алу һәм монтажлауга бирелгән, эшкуар үзе дә территорияне төзекләндерүгә һәм йортларга коммуникацияләр үткәрүгә өлеш керткән.
Инде 15 ел рәттән туристларга уңайлы булсын өчен Татарстан Республикасы Туристлык буенча дәүләт комитеты «Татарстан Республикасы туристлык волонтерлары ассамблеясе» АКО белән берлектә «Кунакчыл Казан» мәгълүмати проектын уздырды. Өч җәй дәвамында шәһәрнең иң җанлы нокталарында туристлык волонтерлары эшләде һәм кунакларга Татарстанның истәлекле урыннары турында сөйләделәр, экскурсиягә кая барырга, татар ашларын кайда татып карарга һәм башка бик күп мәсьәләләр буенча консультацияләр бирделәр. Җәй буена волонтерларга 45 меңгә якын турист мөрәҗәгать иткән.
2024 елның 10-14 сентябрендә Туриндустрия белгечләренең Евразия берлеге (ECOT) Татарстан Республикасы Туристлык буенча дәүләт комитеты ярдәмендә РИА-новости, Российская газета, Аргументы и факты, Интерфакс һ.б. кебек федераль басмалардан 12 журналист өчен Мәскәү – Түбән Новгород – Казан – Мәскәү маршруты буенча автойөреш – матбугат туры уздыра.
2021 елда Мамадышта ачылган сауналар һәм бассейннар белән өч катлы «Нократ» комплексы бу сезонда «Туристлык һәм кунакчыллык индустриясе» илкүләм проекты акчаларына төзекләндерелгән пляж белән тулыландырылды.
Санатории-России.рф шифаханә юлламаларын броньлау сервисы илнең шифаханә-курорт учреждениеләре керемнәре буенча 2024 елның беренче яртыеллыгы нәтиҗәләрен бастырып чыгарды. Санатории-России.рф мәгълүматларына караганда, Татарстан Республикасы шифаханәләре алынган керем күләме буенча Россия Федерациясенең барлык субъектлары арасында 8 нче урында һәм Идел буе федераль округында 2 нче урында тора.
Татарстан Республикасы Рәисе премиясен бирү комитеты тарафыннан 23 сентябрьгә кадәр Татарстан Республикасында гражданлык җәмгыяте институтларын үстерүгә керткән өлеше өчен Татарстан Республикасы Рәисе премиясенә дәгъва кылу өчен документлар кабул ителә.
2024 елның 13 сентябрендә 10:00 сәгатьтә Россия экспорт үзәге Татарстан Республикасы Хөкүмәте һәм Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Олег Коробченко катнашында Экспортка ярдәм итү инструментларын тәкъдир итәчәк.