ЯҢАЛЫКЛАР

2016 елның 06-07 октябрендә Казахстан Республикасы  Шимкент шәһәрендә «ONTUSTIKTOURISM-2016» Халыкара туристик форумы һәм «SILKWAYTOURISMFAIR» Халыкара ярминкәсе була.

 «ONTUSTIKTOURISM - 2016» (алда - Форум) власть, бизнес, фәнни берлекләр, массакүләм мәгълүмат чаралары һәм     UNESCO (Мәгариф, мәдәният һәм фән мәсьәләләре буенча ООН Халыкара оешмасы) WorldTourismOrganization (Бөтендөнья туристик оешма), TurkicCouncil (Төрек советы) һәм Шанхай хезмәттәшлек оешмасы кебек халыкара оешмалар эгидасы астында Ефәк юлда туристик өлкәне үстерү мәсьәләләре буенча җәмәгать берләшмәләре вәкилләре арасында  очрашулар һәм сөйләшүләр өчен диалог мәйданы булачак.

«Татарстан Республикасы халык сәнгате һөнәрләрен һәм кәсепләрен үстерү үзәге» ГБУ һәм Татарстан Республикасы һөнәри палатасы бөтен теләүчеләрне  «Татарстан Республикасы туристик сувенир» конкурсында катнашырга чакыра.

Конкурска һәр гариза бирүчедән соңгы 2 елда ясалган 10 берәмлектән артмаган автор башкаруындагы әйберләр кабул ителә.

Конкурста һәр номинация буенча җиңүчеләр 50 000 сум күләмендә акча призлары белән бүләкләнә, шулай ук һәр әйбергә «Татарстан Республикасының иң яхшы туристик сувениры» статусы бирелә.

Конкурста катнашу -  бушлай

Сезнең гаризаларны 2016 елның 20 октябренә кадәр konkurs.suvenir@yandex.ru.

электрон адресына җибәрүегезне көтәбез

Белешмәләр түбәндәге телефоннар аша бирелә:  8 (843) 264-45-12, 236-06-43

Агымдагы елның 26сыннан 28 сентябрьгә кадәр Бөтендөнья туризм көнен билгеләү хөрмәтенә Казан шәһәре рестораннарында һәм кунакханәләрендә кунаклар өчен ташламалар гамәлдә булачак. Ташлама күләме кунакханә һәм рестораннарның администрациясе  тарафыннан мөстәкыйль билгеләнә һәм 10нан алып 20 процентка кадәр тәшкил итә. Исегезгә төшерәбез, Бөтендөнья туризм көне - 1979 елда ук Бөтендөнья туристик оешманың Генераль ассамблеясе раслаган халыкара бәйрәм. Бәйрәмнең максаты – туризмны пропагандалау, дөнья берлеге икътисадына  өлеш кертү, төрле ил халыклары арасында элемтәне үстерү. 

2016 елның 23 сентябрендә Татарстан Республикасы Юстиция министрлыгының норматив хокукый  актларны теркәү һәм хокукый эшчәнлек тәэмин итү бүлеге Татарстан Республикасы Президентының  2002 елның 8 маендагы «Татарстан Республикасы норматив бердәм банкы турында» УП-352нче Указына һәм Татарстан Республикасы Министрлар Кабинетының 2002 елның 18 июлендәге  «Республика башкарма власть  органнарының норматив хокукый актларын әзерләү кагыйдәләрен раслау, аларны дәүләт теркәве, бастырып чыгару турында»гы 426нчы Карарына ярашлы рәвештә Татарстан Республикасының туризм буенча Дәүләт комитетының республика башкарма власть органнарының күрсәтелгән норматив хокукый актларын әзерләү Кагыйдәләрен үтәвен, аларны дәүләт теркәвен һәм бастырып  чыгаруын тикшерде. 2014-2016 елларда алып барылган  төп эшчәнлек актлары тикшерелде.  

Татарстан Республикасының туризм буенча Дәүләт комитеты рәисе Сергей Иванов "Татар-Информ" мәгълүмат үзәгендә   Tatarstan Top Hotels Award и Tatarstan Top Restaurants Award премиясен үткәрүгә багышланган  матбугат конференциясендә катнашты. Премиядә катнашучыларны котлау рәсми тантанасы ресторан һәм кунакханә бизнесында актив катнашучыларны  26сыннан 28 октябрьгә кадәр Казанда җыйган  «HORECA KAZAN 2016» профессиональ күргәзмәсен ябу кысасында узачак.   

Бүген "Ял" халыкара туристик күргәзмәсе уздырылуның икенче көнендә Татарстан Республикасының туризм буенча дәүләт комитеты Башкортостан Республикасы һәм "РЖД-тур " компаниясе вәкилләре белән сөйләшүләр алып барды. 2017 елда планлаштырылган Казан белән Уфа арасында үзара туристик поезд җибәрү мәсьәләсен хәл итү  очрашуның төп темасы булды. Ул уңышлы хәл ителгән очракта Казан һәм Уфада яшәүчеләр Татарстан һәм Башкортостан  башкалаларына турыдан-туры поездларда уикенд бара алачак. Поездларны җибәрүне бердәм реклама компаниясе тормышка ашырачак. Очрашу кысасында әлеге проектны гамәлгә ашыру буенча эшләр алып бару турында өч яклы Килешүгә кул куелды.   

 17 сентябрьдә  2017 ел навигациясендә пассажир суднолары хәрәкәте расписаниесен килешү буенча ел саен уздырыла торган киңәшмәнең беренче этабы старт алды. Ул  Пермь шәһәре портыннан Россия диңгез круизлары туроператорлары вәкилләре белән чыккан  «Владимир Маяковский» теплоходында башланды. Шундый шәһәрләр исемлегенә кертелгән Казанда алар 20 сентябрьдә тукталды. Аларның визиты кысасында Казан шәһәре башкарма комитетында түгәрәк өстәл оештырылды. Анда Татарстан Республикасының туризм буенча дәүләт комитеты рәисе урынбасары Екатерина Барабанова катнашты. Төп тема булып Россия туроператорларының диңгез круизлары кысасында  Болгар, Чистай һәм Зөя кебек туристик объектларны туристлар килә  торган  урыннар исемлегенә кертү торды.    

Visit Tatarstan бренды «Туристлык бренды: иң яхшы  практиклар 2016» Халыкара конкурсының «Дестинацияләр/кластерлар туристлык бренды» номинациясендә  «Профессиональ проект (гамәлдәге туристлык бренды)» категориясе буенча җиңүче булды. Бу категория буенча барлыгы 14 катнашучы үз эшен тәкъдим итте. Конкурста җиңүчеләрне һәм лауреатларны котлау тантанасы бүген Ял.LEISURE 22нче Халыкара туристик күргәзмәсе кысасында узды. «Туристлык бренды: иң яхшы  практиклар 2016» Халыкара конкурсы туристлык брендларын булдыру, үстерү һәм алга чыгару өлкәсендә ирешкән уңышлары өчен проектлар ачык конкурсы буларак бирелгән. Бу туризм һәм маркетинг осталарыннан торган халыкара жюриның туристик компанияләре һәм объектлары  брендингын бәяләү нигезендә билгеләнә торган абруйлы бүләк.   

Татарстан Республикасының туризм буенча Дәүләт комитеты «Экспоцентр» үзәк күргәзмәләр комплексында бүген ачылган һәм 24 сентябрьгә кадәр дәвам итәчәк «Отдых-2016» 22нче Халыкара туристик күргәзмәдә катнаша.

49-х метрлы стендта Татарстан Республикасыннан 20 компания күрсәтелгән, алар арасында Татарстан шифаханәләре берләшмәсе, «Ривьера», «Relita Kazan» отельләре вәкилләре, «Лидер-Казань», «Персона грата», "Трэвел энд вок" туроператорлары,  Казан шәһәренең «Туристик-информационүзәге» , Казан Кремле, Зөя, Чистай, Болгар һәм Алабуга дәүләт музей-тыюлыклары һәм башкалар бар.

 Халыкара туристик күргәзмә эше 24 сентябрьгә кадәр дәвам итәчәк. Оештыручылар мәгълүматларына караганда, аңарда дөньяның 70 иленнән һәм Россия төбәкләреннән 750дән артык кеше катнаша. Эшлекле программага 160 чара кертелгән.

"ОТДЫХ/LEISURE" программасын традиция буенча кышкы туристик чор ачып җибәрә һәм Россия Федерациясе территориясендә узучы мөһим вакыйгаларның берсе булып тора. Эшлекле программа халыкара мәгариф конференцияләре, семинарлар, түгәрәк өстәлләр уздыра һәм форумның бөтен чараларын «ОТДЫХ» гомуми бренды астына берләштерә.

Татарстан Республикасының туризм буенча Дәүләт комитетында 16сыннан 20 сентябрьгә кадәр Казанда булган немец туроператорлары төркеме белән очрашу булды. Анда комитет Рәисе Сергей Иванов, аның урынбасары Екатерина Барабанова һәм шулай ук җирле туроператорлар вәкилләре катнашты. 

Очрашуда Татарстан туризмына кагылышлы төрле сораулар каралды. Сергей Иванов республиканы тәкъдир итте һәм Зөя утрау-каласы, Болгар, Алабуга, Тәтеш, Чистай һәм әлбәттә инде, Казан турында сөйләде.  Кунакларга Татарстан, аның табигый үзенчәлекләре, мәдәнияте, мавыгулар һәм туристик инфраструктурасы турында тагын да күбрәк белергә мөмкинлек биргән немец телендә видеопрезентация дә күрсәтелде. Презентациядән соң кунакларның үзләрен кызыксындырган сорауларны комитет вәкилләренә бирү мөмкинлеге булды.

Татарстанда вакытта немец туроператорлары Болгар һәм Зөядә булды, Бауман урамы буйлап йөрде, Кремльне һәм башка тарихи урыннарны карады.