ЯҢАЛЫКЛАР
Эпидемиологик хәл аркасында кайбер төбәкләргә чикләүләр кертелү сәбәпле, Туризм буенча федераль агентлык туристларга, Краснодар краен да кертеп, төбәкләрдә гамәлдә булган чикләүләр турында актуаль мәгълүмат белән RUSSIA.TRAVEL (https://russia.travel/) Илкүләм туристлык порталында танышырга мөмкин, дип хәбәр итә. Мәгълүмат даими рәвештә актуальләштерелә һәм реаль вакыт режимында яңартыла.
Ростуризм шулай ук туроператорларга һәм турагентларга хезмәтләр күрсәткән вакытта туристларга агымдагы эпидемиология вәзгыяте һәм Россия төбәкләрендә булган чикләүләр турында хәбәр итү зарурлыгы турында да искәртә.
Казанда Сабантуйга бүләкләр җыю тантанасы узды
Татар башкаласында яшәүчеләр һәм республика кунаклары шәһәрнең төп урамнары буйлап бизәкле ат белән бүләк җыеп йөрүчеләрне күзәтә алдылар. Күп милләтле республиканың милли киемнәреннән киенгән баһадир егетләр һәм чибәр кызлар халык биюләре һәм җырларын башкарып, тирә-юньдәгеләрнең кәефен күтәрде
Очрашуда Айгөл Балахонцева Татарстанның төп истәлекле урыннары турында сөйләде. Шул исәптән, Мурманск массакүләм мәгълүмат чаралары өчен оештырылган матбугат туры барышында бару мөмкинлеге булганнары турында да.
Исегезгә төшерәбез, тур 21-25 июнь көннәрендә уза һәм Мурманск халкын Татарстанга җәлеп итү максатында оештырылды. Республикада кунак булган журналистлар Казан, Зөя, Болгарның төп истәлекле урыннары белән танышачак, шулай ук биш йолдызлы SPA-Kol Gali Resort & Spa курорт кунакханәсенең барлык дәрәҗәләрен бәяли алачак.
«Жили-Были» утарында (Татарстан Республикасы, Алабуга районы, Яңа Әнҗерә авылы) II Иван-чәй фестивале узачак. Инде 11 ел дәвамында «Иван-чәй» дип атала торган борынгы рус эчемлеге өчен үлән җыю һәм сату белән шөгыльләнәбез.
Фестиваль нигезенә җирле чәй эчү традицияләре, халыкның сәламәт туклануга омтылышы һәм әлеге шифалы эчемлекне популярлаштыру нияте алынган.
Дәүләт комитеты рәисе урынбасары Екатерина Барабанова, «Бердәм Россия» партиясе Рәисе Дмитрий Медведевның Төбәк иҗтимагый кабул итү бүлмәсендә тематик туры эфирда һәм республикада яшәүчеләрне кабул итүдә катнашты.
Матбугат туры Мурманск халкын Татарстанга җәлеп итү максатында оештырылган. Республикада кунак булган журналистлар Казан, Зөя, Болгарның төп истәлекле урыннары белән танышачак, шулай ук биш йолдызлы SPA-Kol Gali Resort & Spa курорт кунакханәсенең барлык дәрәҗәләрен бәяли алачак.
Исегезгә төшерәбез, Татарстан Республикасы Туристлык буенча дәүләт комитеты рәисе Сергей Иванов Мурманскны туристларны җәлеп итү өчен өстенлекле юнәлеш буларак бәяләде. «Без Татарстанда булган бөтен нәрсәне күрсәтәчәкбез: мәдәни истәлекле урыннар, гастрономия, табигать һәм башка бик күп нәрсәләр. Үзебез өчен Мурманск шәһәрендә яңа базар күрәбез», – дип билгеләде ул.
Мурманск һәм Казанны Nordwind Airlines авиакомпаниясенең турыдан-туры авиарейсы бәйләп тора.
Самолетлар атнага ике тапкыр оча. Мурмансктан самолетлар дүшәмбе һәм пәнҗешәмбе көннәрендә Казан аэропортына 9:40 сәгатьтә килеп җитә.
Җәйге чорда самолетлар 29 октябрьгә кадәр очачак. Билет бәясе 6 мең сумнан башлана.
ТР Туристлык буенча дәүләт комитеты рәисе урынбасары Екатерина Барабанова Сабантуйга бүләк җыю тантанасына багышланган матбугат конференциясендә катнашты.
Сабантуй – Идел буе халыкларының безнең көннәргә кадәр сакланып калган һәм зур хөрмәт хисләре белән буыннан-буынга тапшырыла торган, ЮНЕСКО яклавына алынган бердәнбер бәйрәме.
Проектның идеясе – Казан шәһәренең барлык районнарын бәйрәм йөрешенә берләштерү, шулай ук Татарстан Республикасы районнарында да традицияләрне торгызу. «Сабантуй – бүләкләр җыю» проектын гамәлгә ашыру 24 июньдә, Сабантуйга кадәр бер көн кала җиңүле атлар, милли киемнәрдәге музыкаль һәм бию төркемнәре, шәһәр халкы, туристлар катнашында шәһәр урамнары буйлап бәйрәм йөреше формасында узачак.
Дәүләт комитеты рәисе урынбасары Айгөл Балахонцева Екатеринбургта Вьетнамның Генераль консулы Динь Ван Донг әфәнде җитәкчелегендәге Вьетнам Социалистик Республикасы делегациясе белән очрашты.
Очрашу барышында Вьетнам Социалистик Республикасы һәм Татарстан Республикасының туристлык потенциалының үзара презентацияләре узды, яклар туристлар агымын үзара арттыру мөмкинлекләре, шулай ук якларның туризм өлкәсендә киләчәк хезмәттәшлек перспективалары турында фикер алышты.
Очрашу Татарстан Республикасы Туристлык буенча дәүләт комитетында 21 июньдә узды
Мәскәүдә «Здравница-2021» ХХ юбилей форумы тәмамланган. Күргәзмә стендларында «Татарстан шифаханәләре» ассоциациясе әгъзалары: «Татнефть» ГАҖ ССУ, «Крутушка» шифаханәсе һәм Татарстан Республикасы Һөнәр берлекләре федерациясе шифаханәләре тәкъдим ителгән.
«Татарстан шифаханәләре» шифаханә-курорт учреждениеләре республика ассоциациясе – Илкүләм курорт ассоциациясенең күптәнге һәм актив партнеры. Аның президенты – академик Александр Николаевич Разумов, күргәзмә стендларын караганда, Татарстан шифаханәләренең динамикалы үсешен һәм коронавирус йогышын кичергән авыруларны тернәкләндерү һәм торгызу программасына зур өлеш кертүе турында билгеләп үткән. «Татарстан шифаханәләре» шифаханә-курорт учреждениеләре республика ассоциациясе президенты Евгений Терентьев форумны оештыру комитетына «Здравниц»ның чирттагысын Татарстан Республикасында уздыру мөмкинлеген карарга кушкан.
Савыктыру оешмалары вәкилләре фәнни симпозиумда докладлар белән чыгыш ясаган.
16 июньдә туризмда кэшбек программасының яңа этабы башланып китте, ул 31 июльгә кадәр дәвам итәчәк. Шартлары элеккегечә: турист картасына тур яки яшәү бәясенең 20 проценты, иң күбе 20 мең сум акча кире кайтачак. Түләүне МИР картасы белән башкарырга кирәк. Бер карта белән чикләнмәгән күләмдәге турлар өчен түләргә мөмкин. 1 октябрьдән 24 декабрьгә кадәр теләсә кайсы төбәккә барырга мөмкин. Шул ук вакытта круизга 1 сентябрьдән башлап навигация тәмамланганчы барырга мөмкин булачак. Программада 2 төннән башланган сәфәрләр һәм кунакханәләр катнаша.
Программага 3000ләп партнер: отельләр, туроператорлар, круизлар һәм агрегаторлар җәлеп ителгән. Мөмкин булган барлык тәкъдимнәр һәм партнерлар исемлеге мирпутешествий.рф сайтында басылган һәм даими рәвештә реаль вакыт режимында тулыландырып торылачак.