ЯҢАЛЫКЛАР

Массакүләм мәгълүмат чараларында Россиянең кайбер төбәкләрендә, шул исәптән Казан шәһәрендә дә, язгы-җәйге туристлык сезонына кунакханәләргә бәяләрнең кинәт артуы турында басылып чыккан мәгълүмат нәтиҗәләре буенча Татарстан Республикасының Туристлык буенча дәүләт комитеты, Казан шәһәре һәм Татарстан Республикасы кунакханәләре ассоциациясе белән берлектә, 2019 елның май ае һәм 2021 ел мисалында туристлар яратып файдалана торган Казан кунакханәләрендәге бәяләр сәясәтенә чагыштырма тикшерү уздырды. 2020 ел мәгълүматлары тикшеренүдә исәпкә алынмады, чөнки пандемия белән бәйле рәвештә шәһәр кунакханәләре ябылды яки үзкыйммәтеннән түбәнрәк бәягә номерлар сатты.

Шәһәрнең әйдәп баручы кунакханәләрен сораштыру нәтиҗәләре буенча, ADR күрсәткече (номер өчен уртача бәя) бу елның маенда 2019 ел бәяләре дәрәҗәсендә, югары даталарда (май бәйрәмнәрен исәпкә алмыйча) үсеш 2019 ел бәяләренә карата максимум 9% тәшкил итә, ә кайбер даталарга номерларның бәясе 2019 ел белән чагыштырганда 20-30% арзаная да.

Югарыда күрсәтелгән аналитикадан чыгып, киләсе туристлык сезонында шәһәр кунакханәләренә бәяләрнең кискен күтәрелүе турында раслау дөрес түгел дип саныйбыз.

Казан милли тикшеренү технология университеты базасында 27 мартта Сервис һәм туризм буенча IV бөтенроссия олимпиадасына йомгак ясалган. Бу киң масштаблы чарада Россия Федерациясенең 58 төбәгеннән һәм 13 дәүләттән 6 меңнән артык студент һәм мәктәп укучысы катнашкан.

Сервис һәм туризм буенча IV бөтенроссия олимпиадасында 6300 студент һәм мәктәп укучысы теркәлгән. Чарада 7-11 сыйныф укучылары, Россиянең 637 мәгариф учреждениесеннән урта махсус һәм югары уку йортлары студентлары катнашкан.

Тикшеренүне R&C күргәзмә фәнни-тикшеренү үзәге үткәргән. Россия төбәкләре түбәндәге күрсәткечләр буенча анализланган:

махсус инфраструктура һәм матди-техник база булуы; төбәкне эчке һәм тышкы базарларда туристик дестинация буларак таныту программасы булуы; төбәкнең конгресс-күргәзмә потенциалын үстерү буенча расланган сәясәт булуы; югары дәрәҗәдәге әһәмиятле вакыйгаларны җәлеп итү һәм үткәрү тәҗрибәсе; туристларны җәлеп итү һәм дестинациянең транспорт ягыннан җәлеп итүчәнлеге.

Экспертлар Татарстан Республикасының эре халыкара чараларны уздыру тәҗрибәсен югары бәяләгән. Башка күрсәткечләр буенча Татарстан позицияләре һәм исәпләү методикасы белән әлеге сылтама буенча танышырга мөмкин: http://rnc-consult.ru/publications/reyting-sobytiynogo-potentsiala-rossiyskix-regionov-2020.html.

2021 елның 30 мартыннан 1 апреленә кадәр Казанга Архангельск өлкәсе губернаторы Цыбульский Александр Витальевич җитәкчелегендәге Архангельск делегациясе килә.

Делегация составында – «Виктория Булатованың Поморск туристлык үзәге» туроператоры һәм «Себер фабрикасы» сувенир-җитештерү компаниясе.

Архангельск өлкәсенең туризм продуктында мәнфәгатьле туроператорларны 31 мартта Татарстан Республикасы Эшкуар йортында (Казан шәһәре, Петербург урамы, 28) югарыда күрсәтелгән компанияләр белән узачак b2b очрашуларда катнашырга чакырабыз.

Чара 14:00 сәгатьтә башлана. Теркәлү таләп ителә.

Катнашуны раслау өчен: Батталова Алинә Илдар кызы, e-mail: Alina.Battalova@tatar.ru, тел.: (843) 222 9048.

Бүген Татарстан Республикасы Туристлык буенча дәүләт комитеты рәисе каршындагы Коррупциягә каршы көрәш комиссиясенең видеоязма режимында утырышы узды.

Комиссия утырышы барышында Татарстан Республикасы дәүләт хакимияте органнары һәм Татарстан Республикасында җирле үзидарә органнары тарафыннан 2020 елда тапшырылган коррупциягә каршы тору чараларын гамәлгә ашыру турындагы белешмәләр буенча Татарстан Республикасы Президентының Коррупциягә каршы сәясәт мәсьәләләре идарәсе тарафыннан әзерләнгән анализ нәтиҗәләре буенча күзәтүне карау; 2021 елның I кварталында Татарстан Республикасы Туристлык буенча дәүләт комитетының коррупциягә каршы программасы чараларының үтәлеше турында; 2021 елның I кварталында норматив хокукый актларга һәм аларның проектларына коррупциягә каршы бәйсез экспертиза уздыру нәтиҗәләре турында; 2021 елның I кварталы өчен массакүләм мәгълүмат чараларында урнаштырылган һәм гражданнардан һәм юридик затлардан алына торган мөрәҗәгатьләрендә вазыйфаи затларның эшчәнлегендә коррупция күренешләре турындагы мәгълүматларны мониториглау нәтиҗәләре турындагы мәсьәләләр каралды.

2021 елның 7 апрелендә сезне Үзбәкстан Республикасының туристлык потенциалын, шул исәптән  Казан Ратушасында узачак хаҗи зиёрат-туризм презентациясендә катнашырга чакырабыз. (Казан шәһәре, Карл Маркс урамы, 33).

Үзбәкстаннан «Diplomatic Travel», «Muslim Tour», «Real Dreams», «Geo Tur Servis», «Mauras Travel», «Akbar Travel», «Sanat Travel», «Bravo Tour», «East Asia Point», «International Caravan Travel», «Central Asia Travel» туроператорлары үз тәкъдимнәрен һәм маршрутларын тәкъдим итәчәк.

Презентация тәмамлангач, Казан Ратушасында концерт программасы белән бергә милли аш-сулы рәсми кабул итү булачак.

Чара 14:00 сәгатьтә башлана. Теркәлү таләп ителә.

Катнашуны раслау өчен: Батталова Алинә Илдар кызы, e-mail: Alina.Battalova@tatar.ru, тел.: (843) 222 9048.

Сезне 2021 елның 20-22 апрелендә узачак Кострома өлкәсе буенча реклама-мәгълүмат турында катнашырга чакырабыз. Инфо-тур Кострома өлкәсенең Икътисадый үсеш департаменты тарафыннан үткәрелә.

2021 елның 1 июненнән 31 августына кадәр «Кострома-Казан-Кострома» маршруты буенча авиаэлемтәне яңарту планлаштырыла. Һава транспорты белән алып бару «Кострома авиапредприятиесе» АҖ тарафыннан атнага бер тапкыр җомга һәм так атналарның дүшәмбе көннәрендә гамәлгә ашырылачак. Бер якка очу вакыты – 2 сәгать 5 минут, бер якка бару бәясе 3700 сум булачак.

Кострома өлкәсе белән алдан танышу һәм туристлык пакетларын планлаштыру өчен сезгә реклама-мәгълүмат турына сәяхәт кылырга тәкъдим итәбез. Турда катнашучылар Нерехт, Кострома, Волгореченск шәһәрләрендә, Лавров нәфис язу фабрикасында, Кострома ГРЭСында һәм Сумароков лосефермасында булачаклар.

Катнашучыларның Кострома өлкәсенә баруына бәйле чыгымнар кабул итүче як тарафыннан каплана. Транспорт чыгымнары – туроператор хисабына.

Катнашу мәсьәләләре буенча: Мөхәммәтшина Гөлнара Муса кызы, e-mail: G.Mukhametshina@tatar.ru, тел.: (843) 222 9041.

Санатории-России.рф броньлау порталы, илнең көньяк курортларын исәпкә алмыйча, туристлык буенча кешбэк программасы ярдәмендә шифаханәләрдә ял итү һәм дәвалану өчен Россиянең иң популяр төбәкләренең : «Кешбэк белән шифаханәдә ял итү өчен көньяк курортларга иң яхшы альтернативалар» дигән рейтингын тәкъдим иткән.

Мәскәү өлкәсе, Алтай крае, Татарстан Республикасы, Төмән өлкәсе һәм Карелия Республикасы туристлык буенча кэшбек программасы ярдәмендә шифаханәдә ял итү өчен Россиянең көньягында булмаган популяр 5 төбәкне тәшкил итә.

Шифаханәләрнең беренче унлыгында Татарстан шифаханәләрендә ял итү арзангарак төшәчәк, уртача алганда, бер кешегә яшәү, туклану һәм дәвалану өчен 2750 сум түләргә туры килә. 

Барыннан да кыйммәтрәк – Ленинград өлкәсендә (уртача 4300 сум) һәм Алтай краенда (4150 сум). Мәскәү өлкәсе шифаханәләрендә кешбэк программасы буенча шифаханәләрдә ял итү һәм дәвалану өчен, уртача алганда, тәүлегенә 3120 сум акча тотыла.

Рейтинг Россия шифаханәләрендә кешбэк буенча ял итүнең популярлыгын тикшерү мәгълүматлары нигезендә төзелгән.

«Татар-информ» МА фотосы

Волонтерларның мобильлек программасы кысаларында граждани активлык һәм иреклелек өлкәсендә укыту стажировкаларын оештыруга конкурс старт алган. Анда теркәлгән коммерциясез оешмалар яки социаль әһәмиятле проектларны һәм программаларны тормышка ашыручы дәүләт һәм автоном бюджет учреждениеләре, шулай ук РФ территориясендә төбәк дәрәҗәсендә ирекле программалар катнаша ала.

Гаризалар ЕИС DOBRO.ru системасында ел дәвамында өзлексез рәвештә бирелә. Конкурс ике номинация буенча үткәрелә:

«РФ төбәкләрендә стажировка». Бу номинациядә теркәлгән коммерциясез оешма, төбәк дәрәҗәсендә ирекле программаларны гамәлгә ашыручы һәм Россия Федерациясе субъекты башкарма хакимияте органнарына ярдәм итүче дәүләт яки автоном бюджет учреждениесе катнаша ала.

«СЮ КО базасында стажировка». Бу номинациядә Россия Федерациясе территориясендә социаль әһәмияткә ия проектларны һәм программаларны гамәлгә ашыручы социаль юнәлешле коммерциясез оешма катнаша ала.

Конкурсның беренче дулкынында катнашу өчен гаризаларны кабул итү – 31 мартта, икенче дулкында – 31 июльдә, өченче дулкында – 30 ноябрьдә Мәскәү вакыты белән 23:59 сәгатьтә тәмамланачак. Заявка кампаниясенә нәтиҗәләр апрель, август, декабрь айларында ясалачак. 

Конкурста җиңүчеләргә стажировка үткәрү өчен акча, мәгълүмати ярдәм, практикаларны башка регионнарга тарату мөмкинлеге, стажировкада алынган тәҗрибәләрне нәтиҗәле гамәлгә кертүгә әзер булган катнашучыларны сайлап алу, стажировканы әзерләү һәм уздыру этабында консультация ярдәме күрсәтелә.

2019-2020 елларда Волонтерларның мобильлек программасы кысаларында Россия Федерациясе регионнарында 12 укыту стажировкасы, шулай ук социаль юнәлешле коммерциясез оешмалар базасында 10 стажировка үткәрелгән.

Конкурс турында тулырак мәгълүмат порталда: https://dobro.ru/

«Спорт, сәламәт яшәү рәвеше, туризм» номинациясендә проектлар грант конкурсында катнашырга чакырабыз.

Конкурста 14 яшьтән 30 яшькә кадәрге яшьләр һәм югары белем бирү оешмалары (казна учреждениеләреннән тыш) катнаша ала. Алар конкурс уздыруга кимендә бер ел алдан теркәлгән булырга тиеш.

Физик затлар өчен грантның максималь күләме – 2,5 млн. сум, уку йортлары өчен 15 млн. сум тәшкил итә. Катнашу өчен гаризаны АИС «Молодежь России» порталында grants.myrosmol.ru сылтамасы буенча бирергә мөмкин.