Татарстан Республикасының Туристлык буенча дәүләт комитеты

Казан «TURKVISION»га әзерләнә

2014 елның 21 июле, дүшәмбе

II Халыкара «TURKVISION» төрки халыкларның телевизион эстрада җыр конкурсы Казанда узачак. Әлеге чара дөньяны шаулатып торган “Евровидение”дән бер дә ким булырга охшамаган. Биредә төрки телле илләрнең эстрада җырчылары катнашачак.

Беренче конкурсның финалы узган ел Төркиянең Искешәһәр каласында декабрь аенда узган иде. ТӨРЕКСОЙның барлык мәдәни чараларын яктыртып баручы ТМB ТV каналы тырышлыгы белән оештырылган халыкара проект, төрки илләр арасында зур кызыксыну тудырырга өлгерде дә инде. Беренче бәйгедә дөньяның 24 иленнән җырчылар катнашкан иде. ТМВ ТV музыкаль каналның генераль директоры Самир Корбанов белдергәнчә, Искешәһәрдә узган «TURKVISION» төрки халыкларның телевизион эстрада җыр конкурсының бюджеты 4 миллион доллардан күбрәк булган. Казанда узачак проект та шуннан кимгә төшмәс, дип сөйләде Татарстанда эшләүче “Мәйдан” музыкаль кабель каналы директоры Дамир Дәүләтшин.

Быел “Казан – төрки дөньяның мәдәни башкаласы” дип игълан ителү «TURKVISION» бәйгесен нәкъ менә Казанда уздыруга мөмкинлек бирә. Мәдәни башкала программасының иң әһәмиятлеләреннән саналган бу чара Казанны барлык төрки илләр арасында танытуда зур роль уйный. Чараны Татарстанның Мәдәният министрлыгы, “Татмедиа” агентлыгы, “Мәйдан” музыкаль телеканалы оештыра.

Узган елгы «TURKVISION»да Россия төбәкләреннән 8 конкурсант чыгыш ясаган. Ярымфиналда 24 ил катнашып, финалга 12 артист чыга. Узган ел беренчелекне әзербайҗаннар яулаган иде. Беренче конкурста Татарстаннан Алинә Шарипҗанова да катнашып, уңышлы чыгыш ясады. Быел исә яшь җырчыбыз конкурста шәрәфле кунак буларак үзен күрсәтәчәк.

Казанга барлыгы 20дән артык илдән җырчылар килер дип көтелә. Сайлап алу турлары исә һәр илдә сентябрь ахырына кадәр узып төгәлләнергә тиеш.. Конурста катнашучы җырчылар белән “Мәйдан”каналында танышып барырга мөмкин булачак.

«TURKVISION» этник та, мөселман кагыйдәләре буенча да оештырылмый, ул төрки эстрада әсәрләрен башкаручылар арасында уза торган конкурс. Сәхнәдә халык җырлары яисә милли киемнәрдән чыгыш ясау мөһим түгел, ди чараны оештыручылар.

Бүген кич “Казан” милли-мәдәни үзәгендә II Халыкара «TURKVISION» төрки халыкларның телевизион эстрада җыр конкурсын тәкъдим итү чарасы була. Биредә шулай ук Төркиянең ТMB TV телеканалы белән башка халыкара каналлар арасында әлеге конкурсның сайлап алу турларын тәкъдим итеп бару буенча хезмәттәшлек турындагы килешүгә кул куелачак.

Оештыручылар фестивальнең гала-концерты «Татнефть-Арена»да узачак дип фаразлый. Шулай

БАРЛЫК ЯҢАЛЫКЛАРНЫ УКУ