Туристлар Казанны ярата

2014 елның 12 июне, пәнҗешәмбе

Туристларның Казан белән кызыксынуы көннән-көн арта. Күптән түгел генә Татарстан башкаласы Европада ял итү өчен иң арзан шәһәрләр исемлегендә беренче унлыкка кергән иде. Хәзер менә тагын бер туристик “җиңү” - күп кенә россиялеләр 12 июнь ялларын Казанда уздырырга планлаштыра икән.

Oktogo.ru сайты китергән мәгълүматларга караганда, Россия көнен уздыру өчен күпләр Казанга киләчәк. Шул рәвешле, Татарстан башкаласы әлеге исемлекнең мәртәбәле беренче урынын яулаган. Чит ил шәһәрләре арасында беренче урынны Прага тота.


Казаннан кала халык Санкт-Петербург, Түбән Новгород, Сочи, Екатеринбург, Ярославль, Мәскәү, Севастополь, Кострома һәм Вологда шәһәрләренә дә сәфәр кыла.

Чит илләрдән, Прагадан кала, халык арасында Истанбул, Минск, Барселона, Париж, Лондон, Вильнюс, Берлин, Вена һәм Будапешт шәһәрләре популяр.

Бәяләргә килгәндә, Казанда ял итүнең бер көне 66 еврога чыга. Ә Санкт-Петербургта бу бәя 7 еврога кыйммәтрәк. Сочида ял итәргә теләүчеләргә исә көненә якынча 75 евро акча сарыф итәргә туры киләчәк.

http://intertat.ru
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Комитет турында
Документлар
Гражданнар мөрәҗәгате һәм аларны кабул итү
Матбугат хезмәте
Адрес: 420015, Казань шәһәре, М.Горького урамы, 19
Телефон: (843) 222-90-20
Факс: (843) 222-90-51
E-Mail: tourism.rt@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International