Яшел Үзән районында туризмны үстерү буенча стратегик сессияләр циклы тәмамланды
Яшел Үзән районында туризмны үстерү буенча стратегик сессияләр циклы тәмамланды. Финал очрашуында катнашучылар яңа турпродуктлар, вакыйгалар һәм район гастробренды идеяләрен тәкъдим иттеләр.
Туризм буенча Татарстан Республикасы Дәүләт комитеты оештырган финал сессиясендә Татарстан Республикасы Рәисе ярдәмчесе О.А. Балтусова, Туризм буенча Татарстан Республикасы Дәүләт комитеты рәисе С. Е. Иванов, Яшел Үзән районы башлыгы М. П. Афанасьев, шулай ук районның бизнес-бергәлеге, туроператорлар ассоциациясе һәм Татарстан Республикасы экскурсоводлары гильдиясе вәкилләре катнашты.
Стратегик сессия алдыннан катнашучылар ЮНЕСКО Бөтендөнья мирасы объекты булган Энгельгардт исемендәге астрономия обсерваториясенең үсеш планнары белән таныштылар, шулай ук “Полукамушки” тарихи кварталында һәм Яшел Үзәннең яңартылган тарихи-мәдәни мирас музеенда булдылар.
Сессия йомгаклары буенча туризмны үстерү буенча тәкъдимнәр эшләнде: яңа турпродуктлар, вакыйгалы чаралар, сувенир продукциясе һәм район гастробренды идеяләре.
Хәзер стратегик сессияләр узган Татарстан муниципаль районнарына тормышка ашыру өчен иң перспективалы идеяләрне билгеләргә һәм аларны быел тормышка ашырырга кирәк.
Татарстан Республикасының төп туристлык үзәкләрендә туризмны үстерүгә юнәлдерелгән стратегик сессияләр уздыру “Туризм һәм кунакчыллык” милли проекты бурычларына туры килә .