Татарстан Республикасы Рәсәй төбәкләренең Вакыйгалар потенциалы илкүләм рейтингы лидерлары арасына керде
2025 ел нәтиҗәләре буенча Татарстан Свердловск өлкәсе белән рейтингта икенче урынны бүлеште, илнең вакыйгалар индустриясендә ышанычлы үсеш һәм позицияләрнең көчәюен күрсәтте.
R&C күргәзмә фәнни-тикшеренү үзәге экспертлары Рәсәй төбәкләренең Вакыйгалар потенциалының еллык рейтингын тәкъдим иттеләр. Татарстан Республикасы илнең эшлекле һәм мәдәни чараларын тартып торучы төп үзәкләрнең берсе статусын раслады, ике позициягә өскә күтәрелде һәм Свердловск өлкәсе белән бергә ТОП-3кә керде.
Рейтингта беренче урынны Санкт-Петербург тота.
Республиканың югары балл алуы 2025 елгы яңартылган рейтинг методологиясендә каралган барлык факторларның комплекслы үсеше белән бәйле. Экспертлар күпсанлы факторларны исәпкә алдылар, заманча конгресс-үзәкләрнең, күп форматлы мәйданчыкларның, югары сыйфатлы урнашу урыннарының булуын, шулай ук нәтиҗәле төбәк пропагандасын һәм зур халыкара чаралар үткәрүдә зур тәҗрибәне билгеләп үттеләр.
Республикада вакыйгалар тармагына дәүләт ярдәме чаралары гамәлгә ашырыла. Мәсәлән, “Туризм һәм кунакчыллык” милли проекты кысаларында дәүләт субсидияләрен Казанның һәм Татарстан Республикасы районнарының кызыклы проектлары ала.
Моннан тыш, республика бәйрәмнәр һәм форумнар программаларына милли традицияләр һәм үзенчәлек элементларын өстәп, үзенең мәдәни кодын оста куллана. Бу төбәккә Рәсәйнең барлык почмакларыннан гына түгел, ә башка илләрдән дә туристларны җәлеп итәргә ярдәм итә.
Белешмә:
Топ-10 рейтингка шулай ук керделәр: Краснодар крае, Башкортостан Республикасы, Красноярск крае, Түбән Новгород өлкәсе, Иркутск өлкәсе, Самара өлкәсе, Төмән өлкәсе, шулай ук Кырым Республикасы һәм Севастополь сизелерлек алга китеш күрсәттеләр.