Кытайдан туристларны кабул итәргә планлаштырган туроператорлар өчен мөһим мәгълүмат
Татарстан Республикасы Туристлык буенча дәүләт комитеты Россия һәм Кытайдан килгән туристларны визасыз алмашуны оештыру өчен туристлык оешмаларыннан мәгълүматлар җыя.
2026-2027 елларда Кытайга визасыз төркемле сәфәрләр оештыра алачак туроператорлар исемлеген формалаштыру өчен Татарстан Республикасының Туристлык буенча дәүләт комитеты туристлык оешмаларыннан кирәкле мәгълүматлар җыя. Эш Россия Федерациясе Хөкүмәте һәм Кытай Халык Хөкүмәте арасындагы килешүләр кысаларында алып барыла. Туроператорларга түбәндәгеләрне эшләргә кирәк:
2025 елның 28 ноябренә кадәр:
- 1 нче кушымта формасы буенча (Кытай) (Word форматында) почтага туристлык оешмасы турында гомумиләштерелгән белешмәләр – e.varlamova@tatar.ru (бөтен мәгълүматны рус һәм инглиз телләрендә күрсәтергә);
2025 елның 01 декабреннән 02 декабренә кадәр:
- Татарстан Республикасы Туристлык буенча дәүләт комитетында мөһер эзләре үрнәкләренең оригиналлары (Казан шәһәре, М. Горький ур., 19 й., 3 каб.);
- Татарстан Республикасы Туристлык буенча дәүләт комитеты адресына (Казан шәһәре, М.Горький ур., 19 й., 4 каб.) түбәндәге документлар пакетын (төп нөсхәләрен) җибәрергә:
- туристлык оешмасының исемен, оештыру-хокукый рәвешен һәм урнашу урынын күрсәтеп, хөкүмәтара килешүне гамәлгә ашыру кысаларында эшчәнлекне гамәлгә ашыруга гариза (1 үрнәк);
- вакытлыча булу илендә (урынында) үз эшчәнлеген гамәлгә ашыручы туристлык оешмасының һәм (яисә) аның контрагентларының туристларның – Россия Федерациясе гражданнарының (алга таба – туристлар) шәхси иминлеген тәэмин итү өчен кирәкле ресурслары, көчләре һәм чаралары булуны, аларның мөлкәтенең сакланышын, илнең (урынның) барлык пунктларында туристларга медицина, хокукый һәм башка төр ашыгыч ярдәмнең тоткарлыксыз алынуын раслый торган документ (2 үрнәк);
- туристлык оешмасының чит ил туристларының Россия Федерациясендә булу кагыйдәләрен үтәве һәм аларның Россия Федерациясе территориясеннән үз вакытында чыгуын тәэмин итү, шул исәптән чит ил гражданнарын теркәү тәртибен үтәү, Россия Федерациясе территориясендә булу хокукына документлар тутыру кагыйдәләрен үтәү, шулай ук вакытлыча булу илендә (урынында) туристлар – Кытай Халык Республикасы гражданнарының шәхси иминлеген тәэмин итү өчен кирәкле ресурслары, көчләре һәм чаралары булуны, аларның мөлкәтенең сакланышын, илнең (урынның) барлык пунктларында туристларга медицина, хокукый һәм башка төр ашыгыч ярдәмнең тоткарлыксыз алынуын раслый торган документ (3 үрнәк).
!Игътибар: туроператорлар мәҗбүри рәвештә туроператорларның бердәм федераль реестрында торырга һәм халыкара керү һәм/яки чыгу туризмы өлкәсендә эшчәнлек алып барырга тиеш.
Элемтә өчен: ТР Туристлык буенча дәүләт комитетының туристлык эшчәнлеген дәүләт тарафыннан җайга салу бүлегенең әйдәп баручы консультанты – Варламова Елена, тел. (843) 222-90-37.
Документлар сылтама буенча бастырылган: https://tourism.tatarstan.ru/informatsiya-o-bezvizovih-gruppovih.htm