Казанда кунакханә бизнесы вәкилләрен БРИКС саммитын уздыруга керткән өлешләре өчен бүләкләделәр
Казанның дистәдән артык кунакханәсе генераль директорлары һәм менеджерлары Казанда БРИКС дәүләтләре башлыклары саммитын уңышлы уздыруга керткән өлешләре өчен Россия Федерациясе Президентының рәхмәт хатлары белән билгеләп үтелде.
«Киләчәк ориентирлары» VIII туристлык форумы кысаларында Россия Федерациясе Президентының Рәхмәт хатларын тапшыру тантанасы булды. Бүләкләр 2024 елда Казанда БРИКС берләшмәсендә Россия рәислеген тәэмин итү чараларын әзерләүгә һәм уздыруга зур өлеш керткән өчен бирелде. Бүләкләү тантанасын РФ икътисадый үсеш министры урынбасары Дмитрий Вахруков уздырды.
Татарстан башкаласының номерлы фондны масштаблы реконструкцияләп һәм чит ил кунаклары һәм халыкара чарада катнашучылар өчен уңайлы вакыт тәэмин иткән әйдәп баручы кунакханәләре җитәкчеләре дәүләт башлыгыннан рәхмәт хатлары алдылар. Бүләкләнүчеләр арасында:
- Валерий Бардаков – «Казан Ривьерасы» кунакханәсе генераль директоры;
- Виталий Большаков – «Ногай» кунакханә комплексы директоры;
- Людмила Геращенко – DoubleTree by Hilton Hotel Kazan City Center кунакханәсе генераль директоры;
- Ирина Гришина - «Раймонд» кунакханәсе директоры (БРИКС дәүләтләре башлыклары саммитын уздыру чорында);
- Андрей Ермилов – «Шаляпин Палас Отель» һәм «Гранд Отель Казан» кунакханәләре генераль директоры;
- Татьяна Ильченко – Ramada Kazan City Center кунакханәсе генераль менеджеры;
- Лилия Мәҗитова – Cosmos Kazan Hotel кунакханәсе генераль менеджеры;
- Илдар Минвәлиев – «Корстон Казан» кунакханәсе генераль директоры;
- Гадел Муллагалиев – «Хаял» кунакханәсе генераль директоры;
- Севда Мусайева – «Тасиго» кунакханәләре челтәренең туризм буенча директоры;
- Александр Ракушев – «Биләр Палас» кунакханәсе директоры;
- Гөлнара Сафина – Millenium Panorama Hotels кунакханәсе генераль менеджеры;
- Александр Темиров – «Мираж» кунакханә-күңел ачу комплексы идарәчесе.
Бүләкләнүчеләрнең барысын да Казанда БРИКС дәүләтләре башлыклары саммитын уңышлы уздыруга керткән хезмәтләренә югары бәя бирүләре белән котлыйбыз.