Туристлык өлкәсе экспертлары Алабуга районында яшьләр белән очрашачак

Туристлык өлкәсендәге экспертлар һәм уңышлы эшкуарлар Алабуга районы һәм күрше муниципалитетлар яшьләре алдында чыгыш ясаячак. Авыл туристлыгын үстерүгә багышланган чара 23 сентябрьдә Иске Күклек авылы мәдәният йортында узачак.

«Татарстан Республикасы аграр яшьләр берләшмәсе» төбәк иҗтимагый оешмасы 23 сентябрьдә 10:00 сәгатьтә Алабуга районының Иске Күклек авылы мәдәният йортында авыл туристлыгын үстерүгә багышланган зона чарасына чакыра.

Кем катнаша ала:

• туристлык һәм кунакчыллык өлкәсендә яңа гына эшли башлаган эшкуарлар, фермерлар, үз бизнесларының туристлык юнәлешен үстерергә теләгән агроусадебалар, глэмпинглар һәм гаилә хуҗалыклары хуҗалары;
• үз территорияләренең мәдәни, тарихи һәм табигый ресурсларын алга сөрүче активистлар, шулай ук авыл музейлары, мәдәният йортлары, экосукмаклар һәм этнопарклар җитәкчеләре һәм хезмәткәрләре;
• профильле юнәлешләр студентлары һәм чыгарылыш укучылары («Туристлык», «Сервис», «Менеджмент», «Культурология»), шулай ук авыл туристлыгын үстерү белән кызыксынучы 14 яшьтән 35 яшькә кадәрге яшьләр;
• турист маршрутлары, вакыйгалы проектлар һәм сувенир продукциясе эшләүчеләр.
  
  Катнашучылар авыл җирендә туристлык бизнесын үстерү буенча гамәли киңәшләр ала, уңышлы кейслар белән таныша һәм эчке туристлыкның заманча тенденцияләре турында белә алачак.

Чара программасында планлаштырылган чыгышлар:

• Анастасия Софьина, Татарстан Республикасы Туристлык буенча дәүләт комитеты рәисе урынбасары, ул регионда туристлыкны үстерүгә ярдәм чаралары турында сөйләячәк;
• Андрей Шарков, «Тихая долина» глэмпингы хуҗасы, «Яшь миллионерлар» премиясе призеры, ул туристлык өлкәсендә бизнес алып баруның уңышлы тәҗрибәсе белән уртаклашачак, һәм башка экспертлар.