Казанда IT-индустрия лидерлары Kazan Digital Week – 2025 форумына җыелачак
Казанда сентябрь аенда Kazan Digital Week цифрлы технологияләрнең эре халыкара форумы узачак. Чара IT-индустрия лидерларын, хакимият һәм бизнес вәкилләрен бер мәйданчыкта җыячак.
2025 елның 17-19 сентябрендә Татарстан башкаласында Kazan Digital Week – 2025 масштаблы халыкара форумы узачак. Бөтен планетадан офлайн һәм онлайн катнашучыларны берләштерә торган чара «Казан Экспо» ХКҮ мәйданчыгында булачак.
Форумны Россия Федерациясенең Цифрлы үсеш, элемтә һәм массакүләм коммуникацияләр министрлыгы һәм Татарстан Республикасы Хөкүмәте оештыра.
Форумның төп бурычы – тәҗрибә уртаклашу өчен куәтле платформа булдыру, фәнни-технологик активларны берләштерү һәм импортны алмаштыру һәм импортны уздыру өчен нәтиҗәле чишелешләр табу.
2024 елда форум үзенең масштаблы тармак вакыйгасы статусын раслады инде: анда 19,5 меңнән артык кеше булды, үз стендларын 131 компания тәкъдим итте, 779 спикер чыгыш ясады, алар арасында:
- Михаил Мишустин, РФ Хөкүмәте Рәисе;
- Максут Шадаев, РФ цифрлы үсеш министры;
- Рөстәм Миңнеханов, Татарстан Республикасы Рәисе;
- Евгений Касперский, «Касперский лабораториясе» генераль директоры;
- Айрат Нуретдинов, «Таттелеком» ГАҖ генераль директоры.
2025 елда форум программасы актуаль юнәлешләрне үз эченә алачак:
- Интеллектуаль транспорт системалары
- Дәүләт идарәсендә цифрлы технологияләр
- Цифрлы индустрия 4.0
- Мәгарифтә цифрлы технологияләр
- Мәдәнияттә цифрлы технологияләр
- Яңа заманның киберкуркынычсызлыгы
- Финтех экосистемасы
- Бизнеска интеграцияләнгән инновацияләр
- Сәламәтлек саклауда һәм медицинада цифрлы технологияләр
- Авыл хуҗалыгында цифрлы технологияләр
Барлык теләүчеләр өчен теркәлү 14 сентябрьгә кадәр форумның рәсми сайтында ачык: https://kazandigitalweek.com/ru/site. Шунда ук катнашу детальләре, партнерлык пакетлары һәм актуаль программа белән дә танышырга мөмкин.