Урнаштыру чараларының мәҗбүри үзбәяләнүе: узу сроклары һәм тәртибе

Федераль аккредитация хезмәте (Росаккредитация) урнаштыру чаралары җитәкчеләренә классификацияләнгән урнаштыру чаралары реестрында үзбәя процедурасын узарга һәм предприятие тибын 2025 елның 1 сентябренә кадәр расларга кирәклеген искәртә. 

Закон таләпләрен үтәүгә түбәндәгеләрнең хуҗалары керешергә тиеш: 

- кунакханәләр, 

- ял базалары, 

- глэмпинглар, 

- кемпинглар, 

- шифаханәләр, 

- башка урнаштыру чаралары. 

Гамәлдәге норматив актлар нигезендә, федераль реестрга кертелмәгән урнаштыру чаралары эшчәнлекне законсыз гамәлгә ашыра дип таныла. Бу административ җаваплылыкка һәм эштә чикләүләргә китерергә мөмкин. 

Базарда катнашучыларга уңайлы булсын өчен, Росаккредитация укыту видеолары әзерләгән, аларда процедураны узу тәртибе җентекләп аңлатыла. Күбрәк мәгълүматны Росаккредитация сайтында табарга мөмкин.

Таләпләрне вакытында үтәү хокук бозуларны булдырмаска һәм эшне хокукый кырда дәвам итәргә мөмкинлек бирәчәк.