Татарстанның туристлык инфраструктурасы илкүләм проект ярдәмендә киңәя
Татарстанның Лаеш, Саба һәм Мамадыш районнарында «Туристлык һәм кунакчыллык индустриясе» илкүләм проекты ярдәмендә шәһәр яны объектларының туристлык инфраструктурасы киңәйтелгән. 2025 елда туристлыкны үстерүгә ярдәм итүне дәвам итү планлаштырыла. Гариза бирү кампаниясе май ахырында башлана.
«Туристлык һәм кунакчыллык индустриясе» илкүләм проектын гамәлгә ашыру нәтиҗәсендә Татарстан Республикасының Лаеш, Саба һәм Мамадыш районнарында урнашкан шәһәр яны ял итү объектлары территориясендә туристлык инфраструктурасы киңәйтелде.
- «Белый Яр» глэмпингы өчен уңайлы ял итү зоналары булган чаннар һәм мунча модульләре сатып алынган, шулай ук кунакларны тукландыру һәм ял итүне оештыру өчен ел әйләнәсе эшләүче иркен геогөмбәз урнаштырылган.
- «Мингер» шәһәр яны комплексында ылыслы урманнар арасында һәм матур күл буенда урнашкан заманча һәм функциональ модульле мунчалар һәм чаннар туристларга хезмәт күрсәтә ала.
- «Берсут» ял базасында спорт һәм балалар мәйданчыклары җиһазландырылган, шулай ук тимераяктан һәм чаңгыдан алып сап-бордларга, катамараннарга һәм ишкәкле көймәләргә кадәр төрле спорт җиһазлары сатып алынган.
2025 елда Татарстан Республикасы Туристлык буенча дәүләт комитеты туристлык инфраструктурасын үстерүгә һәм Татарстанда «Туристлык һәм кунакчыллык» илкүләм проекты кысаларында вакыйгалы чаралар уздыруга юнәлдерелгән ярдәм чараларын күрсәтүне дәвам итәргә планлаштыра. Конкурста катнашу өчен гариза бирү кампаниясе май ахырында башланыр дип көтелә.