Мәскәүдә MITT халыкара күргәзмәсендә Татарстан Республикасы үзенең туристик потенциалын тәкъдим итә
Мәскәүдә MITT халыкара күргәзмәсе уза, анда Татарстан үзенең туристик потенциалын тәкъдим итә. Visit Tatarstan стендында 40 тан артык компания, шул исәптән музей-тыюлыклар, кунакханәләр, шифаханәләр, туроператорлар, шулай ук күңел ачу индустриясе вәкилләре, төбәкнең туристик мөмкинлекләренең төрлелеген күрсәтә.
Мәскәүдә MITT туризм һәм кунакчыллык индустриясенең 31 нче Халыкара күргәзмәсе уза. Быел анда Россиянең 54 төбәгеннән һәм 36 дәүләттән, шул исәптән БДБ һәм Якын Көнчыгыш илләреннән, Һиндстан, Непал, Кытай, Венгрия, Куба, Кения, Мадагаскар һәм башкалардан индустрия лидерлары катнаша.
Эчке туризм юнәлешләренең күптөрлелеген ил төбәкләренең яртысыннан артыгы күрсәтә. Татарстан, Кырым, Дагыстан, Алтай крае, Ингушетия, Байкал аръягы һәм Хабаровск крае һәм башка төбәкләр үз стендларын тәкъдим итте.
Өч көн дәвамында катнашучыларны бай эшлекле программа көтә, аңа 25 тән артык тематик сессия, конференция, презентацияләр, дискуссияләр һәм укыту семинарлары керә.
Татарстаннан зур делегация бар. Республиканың якынча 40 компаниясе безнең юнәлешнең туристик потенциалын Visit Tatarstan стендында тәкъдир итә.
Катнашучылар арасында: Татарстан шифаханәләре ассоциациясе, Казан шәһәре һәм Татарстан Республикасы кунакханәләре ассоциациясе, Алабуга музей-тыюлыгы, «Зөя утрау-шәһәре» музей-тыюлыгы, Болгар музей-тыюлыгы, Чистай муниципаль районы, «Северный ветер» авиакомпаниясе, «Туган авылым» милли комплексы, Татар кулинариясе йорт-музее, «Пача Мама» парк-альпагы, «Экопарк» кыргый фермасы, Питейный дом 100DAL. Шулай ук берләштерелгән стендта республика туроператорлары, кунакханәләре һәм шәһәр яны комплекслары күрсәтелгән.
Халыкара күргәзмәләрдә катнашу «Туристлык һәм кунакчыллык» илкүләм проектының ил буйлап йөрү мөмкинлеген тәэмин итү һәм гражданнарга ил эчендә ял итү мөмкинлекләре турында мәгълүмат бирү максатларының берсенә ирешергә ярдәм итә.