Кече һәм урта бизнес өчен «Ел экспортеры» конкурсы игълан ителде
Татарстанда тышкы икътисадый эшчәнлек белән шөгыльләнүче җирле эшкуарларга ярдәм итү һәм аларны үстерү өчен «Ел экспортеры» конкурсы старт алды. Конкурс экспорт эшчәнлегенең төрле тармакларын һәм юнәлешләрен үз эченә алган төп һәм өстәмә номинацияләрне үз эченә ала.
Татарстан Республикасы эшкуарлары, тышкы икътисадый эшчәнлек белән шөгыльләнүче кече һәм урта эшкуарлык субъектлары ел саен үткәрелә торган «Ел экспортеры» региональ конкурсында катнашырга чакырыла.
Конкурс «Халыкара кооперация һәм экспорт» илкүләм проекты кысаларында Татарстан Республикасы Икътисад министрлыгы ярдәмендә «Татарстан Республикасы Эшкуарлыкка ярдәм фонды» коммерцияле булмаган микрокредит компаниясе тарафыннан үткәрелә.
Конкурсның максаты – Татарстан Республикасы кече һәм урта эшкуарлык субъектларының тышкы икътисадый эшчәнлеген үстерүгә ярдәм итү, алдынгы тәҗрибәне тарату мөмкинлеген тәэмин итү.
Конкурсның төп номинацияләре:
-Сәнәгать өлкәсендә иң яхшы экспортер;
-Хезмәт күрсәтүләр өлкәсендә иң яхшы экспортер;
-АСК (агросәнәгать комплексы) өлкәсендә иң яхшы экспортер;
-Югары технологияләр өлкәсендә иң яхшы экспортер;
-Ел алгарышы;
-Иң яхшы хатын-кыз-экспортер;
-Иң яхшы яшь эшкуар-экспортер.
Конкурсның өстәмә номинацияләре:
-Экспортның иң экзотик иле;
-Экспортның иң зур географиясе;
-Иң яхшы гаилә экспорт компаниясе;
-Яңа экспорт продукты;
-Социаль эшкуарлык өлкәсенең иң яхшы экспортеры;
-Креатив индустрияләр өлкәсенең иң яхшы экспортеры.
Конкурста җиңүчеләр эксклюзив дипломнар, истәлекле призлар, шулай ук индивидуаль стенд форматында Россия Федерациясеннән читтә халыкара күргәзмә-ярминкә чарасында катнашу өчен сертификатлар белән бүләкләнәләр.
2024 елгы конкурста җиңүче предприятиеләр конкурста катнаша алмыйлар. Шулай ук конкурсант-предприятие конкурсның бер номинациясендә генә катнаша ала.
Гаризалар 2025 елның 24 мартына кадәр сайтта кабул ителә http://exportergoda-rt.ru/
Катнашу мәсьәләләре буенча әлеге телефоннар аша мөрәҗәгать итәргә: 8 (917) 932-48-51, 8 (987) 270-06-91.