Татарстан Республикасының туристлык тармагы вәкилләрен «Интурмаркет» ХХ Халыкара кунакчыллык күргәзмә-форумына чакырабыз
2025 елның 13-15 мартында Түбән Новгород шәһәрендә «Түбән Новгород ярминкәсе» АҖ территориясендә «Интурмаркет» ХХ Халыкара кунакчыллык күргәзмә-форумы узачак.
Татарстан Республикасы Туристлык буенча дәүләт комитеты Татарстан Республикасының туристлык тармагы вәкилләрен 2025 елның 13-15 мартында Түбән Новгород шәһәрендә узачак «Интурмаркет» ХХ Халыкара кунакчыллык күргәзмә-форумында катнашырга чакыра.
Интурмаркет – Россиянең һәр төбәгенең туристлык потенциалын күрсәтү мөмкинлеге бирә торган һәм туристлык индустриясендә катнашучылар өчен бердәм мәгълүмати киңлек булдыручы халыкара күргәзмә-форум. 2024 елда Интурмаркетта Россия Федерациясенең 14 иленнән һәм 71 төбәгеннән 740тан артык вәкил катнашты. Эшлекле программалар кысаларында 270тән артык спикер катнашында 50 эшлекле сессия уздырылды.
Интурмаркетта катнашуга гаризаны күргәзмә-форумның рәсми сайтында бирергә була. Турбизнес профессионаллары өчен гаризалар бирү вакыты – 2025 елның 2 марты.