Татарстан Республикасының туристлык тармагы вәкилләрен MITT халыкара туристлык күргәзмәсенә чакырабыз
Мартта Мәскәүдә 31 нче MITT Халыкара туристлык күргәзмәсе, «Туристлык һәм ял» категориясендә Россиянең иң эре күргәзмәсе узачак. Татарстан Республикасы Туристлык буенча дәүләт комитеты республиканың туристлык тармагы вәкилләрен Visit Tatarstan берләштерелгән стендында катнашырга чакыра.
2025 елның 18-20 мартында Мәскәүдә «Крокус Экспо» ХКҮ 31 нче MITT Халыкара туристлык күргәзмәсе узачак.
MITT – Россиянең «Туристлык һәм ял» категориясендәге иң эре туристлык күргәзмәсе, Россия базарында үз продуктларын һәм хезмәтләрен күрсәтүче илләр, регионнар һәм турист компанияләре өчен эшлекле мәйданчык.
Татарстан Республикасы Туристлык буенча дәүләт комитеты Татарстан Республикасы музейлары һәм музей-тыюлыкларын, кунакханә предприятиеләрен һәм шифаханә-курорт учреждениеләрен, Татарстан Республикасында теркәлгән һәм Туроператорларның бердәм федераль реестрына керүче туроператорларны, һөнәри берләшмәләрне һәм республиканың туристлык тармагының башка вәкилләрен Visit Tatarstan берләштерелгән стендында катнашырга чакыра.
Күргәзмәдә катнашучылар һәм килүчеләр Россия һәм халыкара туристлык компанияләре вәкилләре, тармакны көйләүчеләр белән очрашырга, яңа клиентлар һәм партнерлар табарга, шулай ук эшлекле программа чараларында индустрия трендлары турында белергә уникаль мөмкинлек алачак.
Татарстан Республикасының берләштерелгән стендында катнашу өчен гаризалар электрон адреска кабул ителә: Artem.Akhmerov@tatar.ru яисә 8 (843) 222 9036 телефоны буенча, элемтә өчен – Артем Әхмәров. Гаризалар бирү вакыты – 2025 елның 14 февраленә кадәр.