«Кунакчыллык йолдызлары – 2024» фестивалендә катнашырга чакырабыз
2025 елның февралендә Казанда Идел буе шәһәрләре ассоциациясе ярдәмендә шәһәр мэриясе тарафыннан оештырылган «Кунакчыллык йолдызлары – 2024» III төбәкара һөнәри осталык фестивале узачак. Чара туристлык, ресторан һәм кунакханә сервисы өлкәсендә эшче һөнәрләрен популярлаштыруга, күрсәтелә торган хезмәтләрнең сыйфатын яхшыртуга һәм талантлы белгечләргә ярдәм итүгә юнәлдерелгән.
«Кунакчыллык йолдызлары» фестивале инде үзен күрсәтте: 2023 елда Россиянең 22 шәһәреннән 120дән артык катнашучы катнашуга гариза биргән, шул исәптән Казан, Әлмәт, Әстерхан, Киров, Курск, Чаллы, Түбән Новгород, Новочебоксарск, Оренбург, Самара һәм Ярославль.
2025 елда фестиваль 11 номинациядә узачак: «Иң яхшы портье», «Иң яхшы горничная», «Эчке һәм керү туризмы буенча иң яхшы менеджер», «Иң яхшы ресторан менеджеры», «Иң яхшы официант», «Иң яхшы бармен», «Иң яхшы пешекче», «Иң яхшы кондитер», «Иң яхшы сити-блогер», «Күтәрелә торган йолдыз», «Эчке һәм керү туризмы буенча иң яхшы менеджер». Шулай ук «Тотрыклы туризмны үстерү өлкәсендә Казан шәһәренең иң яхшы предприятиесе» дигән яңа махсус номинация булдырылды.
Фестивальдә катнашучыларны кунакчыллык тармагыннан 40 тан артык эксперт һәм тотрыклы үсеш өлкәсендәге белгечләр бәяләячәк. Һәр номинациядә объектив һәм коллегиаль якын килүне тәэмин итү өчен жюри әгъзалары илнең төрле төбәкләреннән сайлап алынган.
«Кунакчыллык йолдызлары – 2024» фестивалендә катнашучылар ярышларда үз осталыкларын күрсәтеп кенә калмыйча, 50 000 сум күләмендә акчалата грант, Казан мэры Илсур Метшин кубогы һәм дипломы өчен көрәшә, шулай ук иганәчеләрдән бүләкләр һәм туристлык индустриясенең иң яхшы вәкиле исемен ала алачак.
Гаризаларны җыю онлайн-форматта фестиваль сайтында звездыгостеприимства.рф 2025 елның 27 гыйнварына кадәр уза.
Туризм тармагы белгечләренең һөнәри осталыгын кызыксындыруга юнәлдерелгән фестивальне уздыру «Туристлык һәм кунакчыллык» илкүләм проекты бурычларына туры килә. Россиялеләргә күрсәтелә торган туристик хезмәтләр сыйфат ягыннан яңа дәрәҗәгә күчә. Кирәкле инфраструктураны үстерү белән беррәттән, туристлар бары тик сыйфатлы сервис һәм Россия буенча уңайлы, куркынычсыз һәм күңелле сәяхәтләрдән уңай тэсирләр алырга тиеш.