Россия төбәкләреннән туроператорлар «Бөек Идел юлы» милли маршрутының кышкы варианты белән танышты
Татарстан Республикасы Туристлык буенча дәүләт комитеты, Чуашстан Республикасы Икътисадый үсеш министрлыгы һәм Мари Эл Республикасы Спорт һәм туризм министрлыгы белән берлектә, 40 туроператор һәм туристлык агенты өчен «Бөек Идел юлы» милли маршруты буенча реклама-мәгълүмати тур үткәрде, аның кысаларында катнашучылар Татарстан, Чуашия һәм Мари Элга бардылар, һәр төбәк белән якыннан таныштылар.
21-23 декабрьдә «Бөек Идел юлы» милли туристлык маршрутын популярлаштыру һәм үстерү максатында Татарстан Республикасы Туристлык буенча дәүләт комитеты, Чуашстан Республикасы Икътисадый үсеш министрлыгы һәм Мари Эл Республикасы Спорт-туризм министрлыгы белән берлектә, Мәскәү, Санкт-Петербург, Түбән Новгород, Чиләбе, Төмән, Екатеринбург, Төмән, Пермь, Владимир, Тобольск, Новосибирск һәм тагын 11 шәһәрдән килгән 40 туроператор һәм турагент өчен реклама-мәгълүмат туры үткәрде. Мәгълүмат турында катнашучылар Татарстан, Чуашстан һәм Мари Элны үз эченә алган маршрутның кышкы варианты белән таныштылар.
Тур барышында төрле чаралар узды, шул исәптән милли фольклор тамашасы белән «Татар кухнясы серләре» мастер-классы һәм ЮНЕСКО Бөтендөнья мирасы объекты булган Казан Кремлендә булу. Катнашучылар шулай ук Казанның тарихи үзәге буйлап экскурсия белән ләззәтләнделәр, шул исәптән Казан Изге Ана иконасы соборында һәм Иске Татар бистәсендә булдылар.
Чуашиядә кунакларны театральләштерелгән очрашу һәм республика башкаласы Чабаксар буйлап экскурсия, шулай ук «Пусть блаженствует душа» шоу-программасы, Сыра музее һәм Чуаш милли музеенда булу көтә иде. Марий Элда катнашучылар Т.Евсеев исемендәге милли музейны карадылар, шулай ук республика башкаласы Йошкар-Ола буйлап экскурсия һәм «Сереброзубая Пампалче» мари әкиятләре һәм халык иҗаты музеенда фольклор программасын тамаша кыла алдылар.
Сәяхәтчеләргә уңайлы булсын өчен маршрут турында мәгълүмат бите эшләнгәнЮ ул великий-волжский-путь.рф урнаштырылган.
Белешмә өчен.
«Бөек Идел юлы» – Россиянең Идел буе федераль округының 14 субъектын колачлый торган һәм борынгы Идел сәүдә юлы белән тарихи элемтәне торгыза торган регионара туристлык проекты. Сәяхәт иткәндә, туристлар төрле төбәкләрнең колориты белән ләззәтләнә һәм төрле мәдәни чынбарлыкка чума алачак.
2023 елда Татарстан, Мари Эл һәм Чуашия аша уза торган «Бөек Идел юлы» маршруты милли туристлык маршруты статусын алды, бу аның эчке һәм керү туризмын үстерү өчен әһәмиятен ассызыклый.