«Travel Hub. Сәяхәт ит!» форумында туристлык өлкәсендә кадрлар әзерләү буенча Татарстан тәҗрибәсе турында сөйләделәр
Татарстан Республикасы делегациясе «Travel Hub. Сәяхәт ит!» халыкара туристлык форумында катнаша, ул бу көннәрдә Санкт-Петербургта уза. Бу туристлык тармагының актуаль мәсьәләләре буенча фикер алышу өчен ел саен үткәрелә торган, хакимият органнары, бизнес һәм иҗтимагый оешмалар вәкилләрен берләштерә торган зур чара.
Хәзерге вакытта туристлык тармагында иң бәхәсле темаларның берсе – кеше капиталы һәм кунакчыллык өлкәсендә сервисны үстерү. «Travel Hub. Сәяхәт ит!» форумының шул ук исемдәге сессиясендә, аның модераторы Татарстан Республикасы Туристлык буенча дәүләт комитеты рәисе Сергей Иванов булды, тармакта профильле югары уку йортлары студентларын ничек калдырырга, хезмәт базарының потенциалы нинди, агымдагы шартларда хезмәт күрсәтү стандартларын ничек үтәргә икәнлеге турында фикер алыштылар.
Идел буе дәүләт физик культура, спорт һәм туризм университетының Өстәмә белем бирү институты директоры Эльвира Румянцева Татарстан тәҗрибәсе белән уртаклашты. Ул 2023 елда Казанда «Туристлык һәм кунакчыллык индустриясе» илкүләм проекты кысаларында оештырылган туристлык тармагының кадрлар потенциалы үзәгенең эш нәтиҗәләре һәм якындагы елга планнары турында сөйләде.
Исегезгә төшерәбез, туристлык тармагының кадрлар потенциалы үзәгендә «Туристлык территорияләрен үстерү белән идарә итү: проектлы якын килү» туристлык өлкәсендә төбәк командаларын яңадан һөнәри әзерләү программасы үткәрелә. 2023 елда Россиянең 3 төбәгеннән, 2024 елда инде 23 төбәгеннән командалар укыган.
2025 елда үзәк тарафыннан «Үзара бәйле региональ туристлык продуктларын формалаштыру» өстәмә һөнәри белем бирү программасы буенча һәм «Туристлык төбәген алга җибәрүнең маркетинг стратегиясе», «Туристлык территориясен урнаштыру чараларын эшләтеп җибәрү программасы», «Дәүләт органнары, үсеш институтлары һәм хосусый инвесторлар» һәм «Отельнең линия персоналын адаптацияләү һәм өйрәтү системасын төзү» өстәмә һөнәри белем бирү программалары буенча квалификация күтәрү программалары буенча укытуны дәвам итү күздә тотыла.
Укыту программасы «Туристлык һәм кунакчыллык индустриясе» илкүләм проекты хисабына финанслана, катнашучылар өчен – бушлай. Укулар узуга заявкалар регионнар җитәкчелеге тарафыннан турыдан-туры Идел буе дәүләт физик культура, спорт һәм туризм университетына җибәрелә.