Татарстан Республикасы Икътисад министрлыгы карамагындагы «Татарстан Республикасы Эшкуарлыкка ярдәм фонды» коммерциягә карамаган микрокредит компаниясенең Экспортка ярдәм үзәге «Татарстан Республикасының экспортка юнәлтелгән предприятиеләренә теләктәшлек чаралары турында» темасына вебинар үткәрә.

Татарстан Республикасы Туристлык буенча дәүләт комитеты делегациясе бу көннәрдә Төркиянең Анкара шәһәрендә уза торган Travel Expo Ankara Халыкара туристлык һәм сәяхәт күргәзмәсендә катнаша.

2024 елның 14-15 ноябрендә «Казан Экспо» ХКҮ «Россия һәм Кытай – үзара файдалы хезмәттәшлек: РОСТКИ» II Халыкара форумы узачак. Әлеге Форум үзен Россия Федерациясе субъектлары һәм Кытай Халык Республикасы провинцияләре арасында икътисадый хезмәттәшлекне үстерү өчен иң эре халыкара вакыйгаларның берсе буларак танытты.

2024 елның 13-15 ноябрендә «Казан Экспо» ХКҮ кофе, чәй, какао һәм шоколад индустриясе профессионаллары өчен Coffee Tea cacao Expo эре Россия бизнес күргәзмәсе уза. Чара бер мәйданчыкта инновацион чишелешләр һәм яңа продуктлар тәкъдим итү өчен 6000нән артык чимал һәм җайланмалар белән тәэмин итүчене, җитештерү предприятиеләре вәкилләрен, кофейнялар, чәйханәләр, рестораннар һәм барлар хуҗаларын һәм хезмәткәрләрен, дистрибьюторларны һәм махсуслаштырылган ваклап сату вәкилләрен җыячак.