ике илнең төп партнерлары белән хезмәттәшлекне үстерү платформасы буларак, II Россия-Кытай форумы
2024 елның 14-15 ноябрендә «Казан Экспо» ХКҮ «Россия һәм Кытай – үзара файдалы хезмәттәшлек: РОСТКИ» II Халыкара форумы узачак. Әлеге Форум үзен Россия Федерациясе субъектлары һәм Кытай Халык Республикасы провинцияләре арасында икътисадый хезмәттәшлекне үстерү өчен иң эре халыкара вакыйгаларның берсе буларак танытты.
«Россия һәм Кытай – үзара файдалы хезмәттәшлек: РОСТКИ» халыкара форумы Казанда инде икенче тапкыр уза һәм Россия белән Кытай арасында гына түгел, башка илләр арасында да хезмәттәшлекнең төп өлкәләрен үстерүгә юнәлдерелгән.
Быел форумның үзенчәлекле вакыйгасы «Россия һәм Кытай глобаль икътисадый уенда» пленар утырышы булачак. Дискуссияләрнең төп темалары арасында – базарның гомумдөнья тенденцияләре һәм Россия белән Кытай позицияләре, шулай ук яңа перспективалар һәм үзара мөнәсәбәтләр нокталары, аларны безгә глобаль көн тәртибе ача.
Форумның мөһим өлеше булып Russia China Expo күргәзмәсе торачак, анда 35 экспонент һәм 80нән артык экспонент катнашачак: «ТАИФ» ДК, «Алабуга» МИЗ, TANK, «КАНАВТО» ДК, Haier, «Интелектуаль бораулау Тайхэ Шаньси» ҖЧҖ, Shaanxi Tilong metal Materials Co.,Ltd., Синьцзян җитештерү-төзелеш корпусы, Zheng Chang һәм башкалар.
Кунаклар, катнашучылар һәм экспертлар өчен яңа элемтәләр урнаштырырга һәм продуктив сөйләшүләр уздырырга омтылучы бизнес-партнерлар очрашулары өчен махсус B2B зонасы оештырылачак. Локация яңа партнерлар һәм клиентлар табарга, отышлы контрактлар төзергә һәм базар турында кыйммәтле инсайтлар алырга мөмкинлек бирә.
Шулай ук бай мәдәни программа әзерләнгән: Кытай киносы көннәре, чәй тантаналары, теннис турниры, хоккей матчы, интерактив спектакльләр һәм халыкара экспозицияләр.
Форумда катнашу өчен сайтта теркәлергә кирәк https://russiachinaforum.com/.
Фото: Елена Афонина/ТАСС