Туристлыкны үстерүгә субсидияләр бирү буенча конкурста катнашуга гаризалар кабул итү дәвам итә
«Туристлык һәм кунакчыллык индустриясе» илкүләм проектын гамәлгә ашыру кысаларында дәүләт (муниципаль) учреждениеләре булмаган юридик затларга һәм шәхси эшкуарларга туристлык инфраструктурасын үстерү һәм Татарстан Республикасы территориясендә вакыйга чараларын уздыру проектларын гамәлгә ашыруга бәйле чыгымнарының бер өлешен финанс белән тәэмин итү максатларында Татарстан Республикасы бюджетыннан субсидияләр бирү буенча конкурста катнашуга гаризалар кабул итү дәвам итә.
11 сентябрьдә 16:30 сәгатьтә ТР Туристлык буенча дәүләт комитеты телеграм-каналында (https://t.me/tourismRT) конкурста катнашу мәсьәләсе буенча туры эфир узачак. Эфирда заявка тутыру буенча тәкъдимнәр һәм еш бирелә торган сорауларга җаваплар биреләчәк.
Исегезгә төшерәбез, гаризалар «Туристлык инфраструктурасын үстерү» һәм «Вакыйгалы чараларга ярдәм итү һәм аларны алга җибәрү» юнәлешләре буенча кабул ителә.
1. «Туристлык инфраструктурасын үстерү» юнәлеше буенча сайлап алуга сылтама
Әлеге юнәлеш түбәндәгеләрне үз эченә ала:
1) кулланылышта булмаган яңа туристлык җайланмасын, шул исәптән туристлык объектларын, туристларга күрсәтү объектларын эксплуатацияләүне тәэмин итү максатларында файдаланылганын сатып алу, туристларга мәгълүмат үзәкләре, прокат пунктлары өчен җайланмалар сатып алу, мондый җайланманы монтажлаудан тыш, балалар комплексларын да кертеп.
Бу юнәлеш буенча субсидияләрнең максималь суммасы – 2 млн.сум.
Мөрәҗәгать итүче тарафыннан финанслашу – сорала торган субсидия суммасының 50% күләмендә.
2) сәламәтлеге буенча мөмкинлекләре чикләнгән затлар өчен уңайлы туристлык мохите булдыруга һәм үстерүгә юнәлдерелгән проектларны гамәлгә ашыру (пандуслар, күтәргечләр җиһазлау, адаптация эшләре һәм күрү һәм ишетү буенча сәламәтлеге буенча мөмкинлекләре чикләнгән затлар өчен каршылыксыз мохит, тирәлек булдыру буенча башка чаралар)
Бу юнәлеш буенча субсидияләрнең максималь суммасы – 2 млн.сум.
Мөрәҗәгать итүче тарафыннан финанслашу – сорала торган субсидия суммасының 50% күләмендә.
3) кемпинг-урнашу объектларын, кемпстоянкалар төзү, шулай ук кемпинг палаткалары һәм башка төр җиһазлар сатып алу, яңа, кулланылышта булмаган, тору (куну) урынын оештыру өчен кулланыла торган, торак һәм рекреация зоналарын төзекләндерүне, санитария узелларын (гомуми файдалану урыннарын) җиһазлауны, сәламәтлеге буенча мөмкинлекләре чикләнгән затларга файдалана алу мөмкинлеген, визуаль мәгълүмат системасын һәм навигацияләрне тәэмин итү.
Бу юнәлеш буенча субсидияләрнең максималь суммасы – 3 млн.сум.
Мөрәҗәгать итүче тарафыннан финанслашу – сорала торган субсидия суммасының 50% күләмендә.
4) капиталь булмаган стационарсыз причал инфраструктурасын булдыру (шул исәптән йөзмә понтоннар, җыеннар, күперләр һ.б. сатып алу һәм аларны монтажлау).
Бу юнәлеш буенча субсидияләрнең максималь суммасы – 2 млн.сум.
Мөрәҗәгать итүче тарафыннан финанслашу – сорала торган субсидия суммасының 50% күләмендә.
2. «Вакыйга чараларына ярдәм итү һәм аларны алга җибәрү» юнәлеше буенча сайлап алуга сылтама
Бу юнәлеш буенча субсидияләрнең максималь суммасы – 30 млн.сум.
Мөрәҗәгать итүче тарафыннан финанслашу – сорала торган субсидия суммасының 30% күләмендә.
Гаризалар 2024 елның 23 сентябрендә 00:00 сәгатькә кадәр кабул ителә.
Субсидия һәм заявка тутыру өчен тәкъдим ителә торган формалар турында тулырак мәгълүмат ТР Туристлык буенча дәүләт комитеты сайтында түбәндәге сылтама буенча урнаштырылган: https://tourism.tatarstan.ru/subsidiya-na-razvitie-turinfrastrukturi-i.htm.
Шулай ук телеграмда төркем форматында кайнар линия эшли. Төркемгә сылтама буенча кушылырга мөмкин: https://t.me/+RUmqZt3ViHZhZWQy.