Туристлык инфраструктурасын үстерү һәм вакыйгалы чаралар уздыру өчен субсидияләр бирү конкурсында җиңүчеләр билгеләнде
Татарстан Республикасында «Туристлык һәм кунакчыллык индустриясе» илкүләм проекты кысаларында алынган бердәм субсидия акчаларыннан 2024 елда туристлык инфраструктурасын үстерүгә һәм вакыйгалы чаралар уздыруга субсидияләр бирү өчен конкурс сайлап алулары узды.
Илкүләм проект акчаларына эшкуарларны уртак финанслау катнашында сентябрьдә Бөек Болгарда тарихи фестиваль оештырылачак, ул 10 меңнән артык тамашачыны җәлеп итәчәк. Шулай ук Татарстан Республикасының шәһәр читендәге ял объектлары, шифаханәләре һәм туристлык объектлары территорияләрендә субсидия акчаларына инфраструктура булдырылачак, ул күрсәтелә торган хезмәтләр исемлеген киңәйтергә һәм туристларны урнаштыру уңайлылыгын арттырырга мөмкинлек бирәчәк.
Әйтик, Казан шәһәрендә «Лебяжье» ял базаларында һәм ТР Югары Ослан районында «PIONEER RESORT HOTEL», ТР Зеленодольск районында «Васильевский» шифаханәсендә һәм «Кемпинг Осиново» кунакханә комплексында, шулай ук ТР Питрәч районында «Минем ранчо» глэмпингында яңа балалар мәйданчыклары төзеләчәк.
Чаллы шәһәрендәге «Радуга» һәм Зеленодольск районындагы «Дельфин» шифаханәләрендә аз хәрәкәтләнүче халык төркемнәре өчен мөмкинлекле туристлык тирәлеге тудыру ярдәмендә уңайлы ял итү һәм дәвалану шартлары тудырылачак.
Модульле мунчалар, купельләр, чаннар һәм гидромассажлы спа-бассейннар «Урман һәм елга» (Казан шәһәре), «вМесте» (ТР Кама Тамагы районы), «Lebedino ECO» (ТР Алексеевск районы) глэмпингларында, «Утрау» шәһәр читендәге клубында (Зеленодольск районы), Каськи авылындагы кунак йорты территориясендә (ТР Әлмәт районы), «Белый Яр» (ТР Лаеш районы) һәм «ФишФарм 116» (ТР Кайбыч районы), шулай ук Minger med spa шәһәр яны комплексларында (ТР Саба районы) барлыкка киләчәк.
Чаллы шәһәренең «Су анасы» пляжында субсидия акчаларына пирс төзеләчәк. Ә Татарстан Республикасы Арча муниципаль районының «Могҗизалар урманы» интерактив паркында Суда күңел ачу үзәге өчен су велосипедлары сатып алачаклар.
Конкурста сайлап алуларда җиңүчеләр турында тулырак мәгълүмат Дәүләт финанс ярдәме чараларын күрсәтү порталында урнаштырылган:
Туристлык инфраструктурасын үстерү — https://promote.budget.gov.ru/public/minfin/selection/view/4f1f9ca9-8304-4a5d-b757-13b997d8ea3a?showBackButton=true&competitionType=0&tab=8.
Вакыйга чараларына ярдәм итү һәм аларны алга җибәрү — https://promote.budget.gov.ru/public/minfin/selection/view/1bed9b0d-18a0-4184-814a-d1ef3f599be9?showBackButton=true&competitionType=0&tab=8.