ТР Туристлык буенча дәүләт комитеты командасы Казан блогерлары белән берлектә «Алабугада җәйге кичләр» фестиваленә барды
04-07 июльдә Татарстанда Борис Березовскийның «Алабугада җәйге кичәләр» VI Халыкара музыка фестивале уза. Фестивальнең сәнгать җитәкчесе – Россия Федерациясенең Атказанган артисты Борис Березовский.
Быел фестивальнең махсус кунагы – опера җырчысы һәм Россия Федерациясенең һәм Татарстан Республикасының Атказанган артисты Аида Гарифуллина.
Шулай ук сәхнәдә танылган музыкантлар, оркестрлар һәм коллективлар чыгыш ясаячак. Бу – Татарстан Республикасы Дәүләт симфоник оркестры (дирижеры – Илья Дербилов), Миләүшә Таминдарова җитәкчелегендәге Татарстан Республикасы Дәүләт камера хоры, Игорь Лерман Камера оркестры, Blues Doctors Блюз-рок өчлеге, Elegato өчлеге һәм Айдар Сәлахов, «Алпар» татар этно-фолк төркеме, «Фыняф» ансамбле, «Zventa Sventana» фолк-төркеме белән Россия җырчысы, композитор Тина Кузнецова, «Ритмы Гаваны» джаз-төркеме белән Куба җырчысы – «Новая волна» конкурсында җиңүче һәм Беренче каналда «Голос»шоуында катнашучы Илиана Санчез, опера җырчысы Альберт Җәлилов һәм башкалар.
«Алабугада җәйге кичләр» – концерт программалары гына түгел, ә уникаль очрашулар һәм мастер-класслар да:
- шагыйрь, атказанган шагыйрь, Россиянең Атказанган сәнгать эшлеклесе, театр һәм кино актеры Влад Маленконың әдәби сәгате;
- рәссам һәм сәнгать белгече, балалар язучысы һәм Россия Язучылар берлеге әгъзасы Ксения Федоровадан помадизм техникасында әсәрләр ясау буенча мастер-класс
- П.И. Чайковский исемендәге Мәскәү дәүләт консерваториясе профессоры Юрий Мартыновтан фортепиано буенча мастер-класс;
- язучы, мәдәни проектлар продюсеры, Санкт-Петербург Язучылар берлеге әгъзасы Ирада Бергның әдәби сәгате.