«Кунакчыл Казан» проекты старт алды
Казанда 01 июньдә «Кунакчыл Казан» проекты старт алды. Visit Tatarstan өч мәгълүмат чатыры урнаштырылган, аларда Татарстан Республикасы туристлык волонтерлары ассамблеясыннан балалар җәй буе республика кунаклары белән эшләячәк.
Visit Tatarstan чатырлары Казанның иң җанлы тарихи үзәгендә урнашкан:
- Кремльнең Спас манарасы янында,
- Г.Камал исемендәге театр каршындагы мәйданда,
- Бауман урамында сәгать янында.
Проект Татарстан Республикасы туристлык волонтерлары ассамблеясы белән берлектә тормышка ашырыла, аның кысаларында республиканың югары уку йортларының туризм факультеты студентлары-волонтерлары туристларга Татарстан Республикасының төп туристлык үзәкләре турында хәбәр итә, аларга шәһәрдә ориентлашырга ярдәм итә, Казанның, Бөек Болгарның һәм Зөя утрау-шәһәрчегенең бушлай туристлык карталарын бирәләр, шулай ук кунаклар өстенлек биргән әйберләр буенча сораштырулар үткәреп, кире элемтә алалар.
Волонтерларның эш максаты – Татарстан Республикасында туристларның уңайлы торуы өчен кунакчыл атмосфера булдыру буенча мөмкин булганның барысын да эшләү.
Мәгълүмат чатырлары көн саен 10:00дән 20:00гә кадәр эшли.