Татарстан Республикасы Russian Travel Awards III Бөтенроссия туристлык премиясендә мөһим казаныш белән билгеләп үтелде
Татарстан Республикасы һәм аның шифаханәләре Russian Travel Awards III Бөтенроссия премиясендә «Шифаханә һәм сәламәтләндерү туристлыгы төбәге» номинациясендә мактаулы икенче урын яулады. Санкт-Петербургта узган финал этабы төбәкләрнең үз шифаханәләрен һәм шифаханә-курорт мөмкинлекләрен тәкъдим итү өчен мәйданчык булды.
«Татарстан шифаханәләре» ассоциациясе җитәкчесе Евгений Терентьев премия жюрисы алдында республиканы лаеклы тәкъдим итте, ул номинантларны төрле критерийлар буенча һәм тәкъдим ителгән презентацияләр нигезендә бәяләде.
Жюри беренче урынны Төмән өлкәсенә бирде, Татарстан Республикасы икенче урынны Курган өлкәсе белән бүлеште, өченче урын Краснодар краена эләкте.
Шулай ук премияне оештыручы Геннадий Шаталов «Ватан туристлыгын үстерүгә зур шәхси өлеш керткәне өчен» премиясенең Попечительләр советының Рәхмәт хатларын Татарстан Республикасының Туристлык буенча дәүләт комитеты рәисе Сергей Ивановка тапшырды.