«Россия» халыкара күргәзмә-форумы Халыклар бердәмлеге көнендә 4 ноябрьдә ачыла
4 ноябрьдә Мәскәүдә ВДНХда «Россия» халыкара күргәзмә-форумы ачылачак. Ярты елга ВДНХ территориясе бөтен Россиянең масштаблы проекциясе булачак һәм заманча технологик эшләнмәләр һәм фәнни ачышлар, илебезнең сәнәгать, социаль, спорт һәм мәдәни өлкәләрендә төп казанышлар белән таныштырачак.
Күргәзмәгә керү- бушлай.
Анда Россия Федерациясенең барлык 89 субъекты, федераль министрлыклар һәм ведомстволар, эре корпорацияләр һәм иҗтимагый оешмалар катнашачак.
Татарстан стенды 75 нче Павильонда урнашкан. Биредә республиканың төп казанышлары тәкъдим ителәчәк: элек ничек булган, хәзер нәрсәләр бар һәм киләчәктә нәрсә планлаштырыла. Социаль өлкәләр: сәламәтлек саклау, мәгариф, спорт, туристлык һәм мәдәният үсешенә зур игътибар бирелде - стендта мәгълүматны күрсәтү өчен зур шар- сфера урнаштырылган.
«Россия буенча сәяхәтне той» аерым декоратив-иммерсив киңлекне РФ Икътисади үсеш министрлыгы D Павильонында әзерли.
Биредә илебез буйлап сәяхәт итү өчен зур мөмкинлекләр белән танышырга мөмкин булачак, чөнки Россиянең тугыз макротерриториясендә берләшкән барлык төбәкләренең туристлык потенциалы тәкъдим ителәчәк: Зур Кавказ, Зур Идел, Ерак Көнчыгыш, Балтика, Себер, Алтын боҗра, Зур Урал, Көньяк Россия.
Һәр макротерритория зонасы интерактив киңлек булып тора, анда тоярга, карарга һәм тотып карарга мөмкин. Мәсәлән, Татарстан Республикасы «Зур Идел» залында тәкъдим ителәчәк. Монда штурвал артына басарга, үзеңне круиз лайнеры капитаны итеп тоярга һәм су сәяхәте атмосферасына чумарга мөмкин булачак.
Барысын да «Россия» күргәзмәсенә килергә чакырабыз. Чара 2024 елның 12 апреленә кадәр дәвам итә. Күргәзмә турында тулырак мәгълүмат түбәндәге сайтта: www.russia.ru.