Россия-Якын Көнчыгыш: клиентлар юлы һәм яңа туристлык продуктын булдыру
Туристлык продуктын формалаштыру туристның клиент юлын төзүнең төп этабы булып тора һәм туристлык хезмәтләренең бөтен спектрының үзара бәйләнешен күздә тота. Туристлык юнәлешен сайлау, туристның аэропортта һәм самолетта булуы, кунакханәдә яшәве, экскурсия турларында катнашуы, килгән илнең аш-су культурасы белән танышуы клиент юлының барлык бу этаплары туристның ял итү илендә булуы турында тәэсирләрен формалаштыруга йогынты ясый.
Россия ягыннан да, Якын Көнчыгыш ягыннан да туристның таләпләренә һәм мәдәни кыйммәтләренә җавап бирүче кызыклы турпродукт булдыру илнең туристлык җәлеп итүчәнлеген арттыру һәм турбизнесның табышлылыгын яхшырту дигәнне аңлата. Сессия барышында Иран, Татарстан һәм Иорданиянең туристлык потенциалын тәкъдим иттеләр.
«Россия - Якын Көнчыгыш: клиент юлы һәм яңа туристлык продуктын булдыру» түгәрәк өстәле сессиясендә катнаштылар: Дмитрий Вахруков – Россия Федерациясе Икътисадый үсеш министры урынбасары, Алиәзһәр Шалбафиян – Иран Ислам Республикасы Туристлык буенча мәдәни мирас, туристлык һәм һөнәрчелек министры урынбасары, Сергей Иванов - Татарстан Республикасының Туристлык буенча дәүләт комитеты рәисе, Сангаджи Тарбаев – РФ Дәүләт Думасының Туристлык һәм туристлык инфраструктурасын үстерү комитеты рәисе, Евгений Козлов –Мэр Аппараты һәм Мәскәү Хөкүмәте җитәкчесенең беренче урынбасары, Мәскәү шәһәренең туристлык комитеты рәисе.
«Якын Көнчыгыш якыная, барлык мөнәсәбәтләр законнар базасында төзелә һәм ике як өчен дә кабул ителә», - дип билгеләп үтте РФ Дәүләт Думасының Туристлык һәм туристлык инфраструктурасын үстерү комитеты рәисе Сангаджи Тарбаев.