В.П. Энгельгардт исемендәге астрономия обсерваториясендә кометаны телескоп аша тотабыз

2023 елның 31 гыйнвары, сишәмбе

Иртәгә, 1 февральдә 19.30 сәгатьтә Октябрь бистәсендә урнашкан В.П. Энгельгардт исемендәге обсерваториядә теләге булган һәркемне төнлә телескоп аша Айга һәм Марска карарга, шулай ук С/2022 E3(ZTF) кометасын күрү мөмкинлегеннән файдаланырга чакыралар.

Мондый комета кояшка 50 мең елга бер тапкыр оча һәм иртәгә ул Җиргә таба 42 млн км ераклыкта максималь якынлашачак, шуңа күрә аны телескопта төнлә, шәһәр утларыннан ерак булган урында күрүе уңайлы булачак.

 Исегезгә төшерәбез, Казан федераль университетының астрономия обсерваторияләре ЮНЕСКО Бөтендөнья мирасы исемлегенә тәкъдим ителде.

Обсерваториянең адресы: ТР, Октябрь поселогы, АОЭ ур., 7 йорт, 1 корпус

Язылу өчен 8-9869-075-627, 8 (843) 221-34-62 телефоны буенча шалтыратыгыз