Чечня журналистлары Татарстан Республикасында кунакта
Бүген Казанда Чечен Республикасының тугыз ММЧ вәкилләре өчен пресс-тур башланды. Журналистлар Татарстанга Казан белән Nordwind Грозный компаниясе арасында турыдан-туры авиаочыш ачу кысаларында Туризм буенча Татарстан Республикасы Дәүләт комитеты чакыруы буенча килде.
Кунаклар шәһәрнең үзәк урамнары буйлап экскурсиядә булдылар,Казан Кремле, «Туган Авылым» Милли комплексы белән таныштылар, җирле ашларны татып карадылар, шулай ук республиканың иң яхшы биш йолдызлы спа-кунакханәләренең берсе – Kol GaliResort & Spa сервисын бәяләделәр. Туризм буенча Татарстан Республикасы Дәүләт комитетында узган очрашуда журналистлар Татарстан Республикасында турцентрларда һәм табигатьтә ял итү мөмкинлекләре турында презентация тыңладылар.
9 ноябрьдән 12 ноябрьгә кадәр аларга ЮНЕСКО Бөтендөнья мирасы исемлегенә кертелгән Татарстанның төп «хәзинәләрен» күрергә туры киләчәк: күпьеллык тарихы булган борынгы Болгар һәм кабатланмас колоритлы Зөя утрау-шәһәрчеге, зур шәһәру-зыгысыннан еракта яшәү белән тынычланган. Ә өйләренә кайткач, коллегалары Татарстанга булган тәэсирләре турында укучыларына сөйләячәкләр.