Сабантуйга бүләкләр җыю – шәһәрнең төп урамнары буйлап тантаналы йөреш

2022 елның 15 июне, чәршәмбе

17 июнь көнне Казанда 11.00 сәгатьтән 15.00 сәгатькә кадәр Казан халкы һәм килгән кунаклар өчен матур бәйрәм – Сабантуйга бүләкләр җыю тантанасы узачак. Атлар белән бүләк ташып йөрү тантанасы Кремль, Пушкин, Бауман, Островский, Мәрҗани урамнары буйлап узачак һәм Г.Камал театры янындагы мәйданда берләшәчәк.

Казан һәм ТР Рестораторлары һәм отельерлары берлеге 2016 елдан башлап Сабантуйга бүләкләр җыю буенча халык йоласын яңадан торгыза. Ел саен Казанның дистәләгән кафе һәм рестораннары үзләренең бүләкләрен тапшыралар, алар Сабантуйның төп бәйрәме – Сабан туенда җиңүчеләргә тапшырылачак.