Филиппин Республикасының Россия Федерациясендәге Илчелек делегациясе Дәүләт комитетында булды

2021 елның 22 октябре, җомга

Татарстан Республикасының Туристлык буенча дәүләт комитеты рәисе Сергей Иванов Филиппинның Россиядәге Илчелек эшләрендә вакытлыча ышанычлы зат итеп билгеләнгән Роберт О.Феррер белән очрашты. Алар Россия-Филиппин хезмәттәшлеге кысаларында туризм өлкәсендәге мөнәсәбәтләрне үстерү мәсьәләләре буенча фикер алышты.

 О.Феррер җитәкчелегендәге Филиппин делегациясе Казанга эш сәфәре белән килде. Кунаклар Татарстанның беренче вице-премьеры Рөстәм Нигъмәтуллин белән очрашты, шулай ук алар республика ведомстволарында сөйләшүләр дә алып барачак.