Татарстан Республикасының Туристлык буенча дәүләт комитеты Казан кунакханәләрендә бәяләр артуны кире кага

2021 елның 31 марты, чәршәмбе

Массакүләм мәгълүмат чараларында Россиянең кайбер төбәкләрендә, шул исәптән Казан шәһәрендә дә, язгы-җәйге туристлык сезонына кунакханәләргә бәяләрнең кинәт артуы турында басылып чыккан мәгълүмат нәтиҗәләре буенча Татарстан Республикасының Туристлык буенча дәүләт комитеты, Казан шәһәре һәм Татарстан Республикасы кунакханәләре ассоциациясе белән берлектә, 2019 елның май ае һәм 2021 ел мисалында туристлар яратып файдалана торган Казан кунакханәләрендәге бәяләр сәясәтенә чагыштырма тикшерү уздырды. 2020 ел мәгълүматлары тикшеренүдә исәпкә алынмады, чөнки пандемия белән бәйле рәвештә шәһәр кунакханәләре ябылды яки үзкыйммәтеннән түбәнрәк бәягә номерлар сатты.

Шәһәрнең әйдәп баручы кунакханәләрен сораштыру нәтиҗәләре буенча, ADR күрсәткече (номер өчен уртача бәя) бу елның маенда 2019 ел бәяләре дәрәҗәсендә, югары даталарда (май бәйрәмнәрен исәпкә алмыйча) үсеш 2019 ел бәяләренә карата максимум 9% тәшкил итә, ә кайбер даталарга номерларның бәясе 2019 ел белән чагыштырганда 20-30% арзаная да.

Югарыда күрсәтелгән аналитикадан чыгып, киләсе туристлык сезонында шәһәр кунакханәләренә бәяләрнең кискен күтәрелүе турында раслау дөрес түгел дип саныйбыз.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2022 ел

Казанга Санкт-Петербургтан беренче туристлык чартеры кайтты

Бүген Казанга Санкт-Петербургтан чартер рейсларының туристлык программасы буенча беренче самолеты кайтты. Республикага барлыгы 220 турист килә, ә самолет үзе Татарстан туристлары белән кире юнәлештә очачак. «Татарстан өчен бу тарихи вакыйга. Без Санкт-Петербургтан беренче туристлык чартерен каршы алабыз. Без һәрвакыт бу турыда хыяллана идек. Мондый рейслар төбәкнең туристлык буенча җитлегү күрсәткече булып тора. Безгә хәзер ялгыз туристлар гына килми, Татарстанга чартер рейслары җибәрергә мөмкин булуын аңлый башладылар. Безнең өчен Санкт-Петербург мөһим дус һәм партнер булып тора», - диде ТР Туристлык буенча дәүләт комитеты рәисе Сергей Иванов. Ул ассызыклаганча, Россиядә туристлык чартер рейслары программасы Федераль туризм агентлыгы ярдәме белән гамәлгә ашырыла, бу тур бәясен 1,5-2 тапкырга киметергә мөмкинлек бирә һәм мондый сәяхәтләрне тагын да үтемлерәк итә.

апрель, 2022 ел

В.Г. Тимирясов исемендәге Казан инновация университеты туризм өлкәсе юнәлешендә укырга чакыра

В.Г. Тимирясов исемендәге Казан инновация университеты, Ворлдскиллс компетенцияләре нигезендә, «Демография» илкүләм проектының «Мәшгульлеккә ярдәм итү» федераль проекты кысаларында укырга чакыра. Университетта түбәндәге компетенцияләр буенча укырга мөмкин: «Экскурсия хезмәтләре күрсәтү» «Экскурсия хезмәтен күрсәтүне оештыру» «Туризм менеджеры» «Туристлык продуктын алга җибәрү һәм гамәлгә ашыру» «Туризм белгече» «Туристлык операторы эшчәнлеге: туристлык продуктын эшләү»

В.Г. Тимирясов исемендәге Казан инновация университеты туризм өлкәсе юнәлешендә укырга чакыра

Сергей Иванов туризм өлкәсенә ярдәм итү чаралары буенча семинар үткәрде

27 апрельдә Зеленодольск шәһәренең Горький исемендәге мәдәният йортында Татарстан Республикасы Туристлык буенча дәүләт комитеты туристлык инфраструктурасын үстерүгә юнәлдерелгән иҗтимагый инициативаларны гамәлгә ашыру өчен субсидияләр бирү буенча дәүләт ярдәме чаралары һәм бәйге шартларын аңлатуга юнәлдерелгән белем бирү семинарын уздырды. Очрашуда Зеленодольск, Биектау һәм Питрәч районнарыннан 30дан артык эшкуар катнашты. Зеленодольск районына сәфәр барышында Татарстан Республикасының Туристлык буенча дәүләт комитеты рәисе Сергей Евгеньевич Иванов гамәлдәге туристлык инфраструктурасы объектларында – Зеленодольск шәһәрендәге «Иделдәге утар» туристлык базасында һәм Каратмән Олы Җәке авылындагы «Гектария» утарында булды һәм эшкуарлар белән аларның эшчәнлеген үстерү буенча киләчәккә планнары турында фикер алышты.

ЯҢАЛЫКЛАРГА ЯЗЫЛУ