Мәскәүдә туроператорларга «Бөек Идел юлы» маршрутын тәкъдир иттеләр

Бүген Татарстан Республикасының Россия Федерациясендәге Тулы вәкаләтле вәкиллегендә Мәскәү һәм Мәскәү өлкәсе туроператорларына «Бөек Идел юлы» төбәкара туристик маршрутын тәкъдир иттеләр. Әлеге чарада Татарстан Премьер-министры урынбасары – Татарстан Республикасының Россиядәге Тулы вәкаләтле вәкиле Равил Әхмәтшин, Татарстанның Туризм буенча дәүләт комитеты рәисе Сергей Иванов, Өлкә дәүләт казна оешмасы «Ульян өлкәсенеӊ туризм буенча агентлыгы» директоры Юлия Скороломова, Самара өлкәсе туризм департаменты җитәкчесе Михаил Мальцев, Чувашия Республикасының мәдәният, милләтләр һәм архив эше буенча министр урынбасары Константин Яковлев, «Анкор» ҖЧШ туристлык компаниясен оештыручыларныӊ берсе Ольга Санаева катнашты.