Хезмәткәрләрне пенсия белән тәэмин итү
"Татарстан Республикасы дәүләт граждан хезмәте турында" 2003 елның 16 гыйнварындагы 3-ТРЗ номерлы Татарстан Республикасы Законы (үзгәрешләре һәм өстәмәләре белән)
7 бүлек. Дәүләт хезмәте вызыйфаларын биләгән затларны пенсия белән тәэмин итү
45 статья. Тиешле еллар эшләгән өчен пенсия
1. Әлеге Закон нигезендә дәүләт хезмәте вазыйфаларын биләгән дәүләт хезмәткәрләре, әлеге статьяның 11, 12, 2 һәм 21 өлешләрендә билгеләнгән нигезләмәләрне исәпкә алып, түбәндәге шартлар үтәлгән очракта, тиешле еллар эшләгән өчен пенсия алу хокукына ия булалар:
1) тиешле еллар эшләгән өчен пенсияне тиешле елда билгеләү өчен кирәкле дәвамлылыгы әлеге Законга кушымта нигезендә билгеләнә торган дәүләт хезмәте стажы булса; (1 пункт 2016 елның 26 декабрендәге 107-ТРЗ номерлы Татарстан Республикасы Законы редакциясендә)
2) әлеге Законның 32 статьясындагы 1 өлешенең 1 пунктында күрсәтелгән вазыйфаларда, шулай ук әлеге статьяның 21 өлеше нигезендә башка вазыйфаларда кимендә 10 ел эш (хезмәт) стажы булса;
- 3) Федераль законның 33 статьясындагы 1 өлешенең 1 – 3, 5, 7 – 9 пунктларында, 37 статьясындагы 1 өлешенең 1, 81 − 83 пунктларында, 39 статьясындагы 1 өлешенең 2 – 4 пунктларында һәм 2 өлешенең 2 – 4 пунктларында каралган нигезләр буенча Татарстан Республикасы дәүләт граждан хезмәтенең соңгы биләгән вазыйфасыннан азат ителсә һәм Татарстан Республикасы дәүләт граждан хезмәтеннән җибәрелсә.
11. Дәүләт хезмәткәрләре, әгәр Татарстан Республикасы дәүләт граждан хезмәте вазыйфасыннан азат ителгән вакытка «Иминият пенсияләре турында» Федераль законның 8 статьясындагы 1 өлеше нигезендә картлык буенча иминият пенсиясен алу хокукын бирүче яшькә җиткән булсалар йә аларга, әлеге статьяның 2 өлешендә күрсәтелгән очраклардан тыш, вакытыннан алда картлык буенча иминият пенсиясе яисә инвалидлык буенча иминият пенсиясе билгеләнгән булса, Федераль законның 33 статьясындагы 1 өлешенең 1, 2 (Татарстан Республикасы дәүләт граждан хезмәтенең «җитәкчеләр» яисә «ярдәмчеләр (киңәшчеләр)» категориясе вазыйфасын биләгән Татарстан Республикасы дәүләт граждан хезмәткәренең билгеләнгән вәкаләтләр чоры бетүгә бәйле рәвештә вакытлы хезмәт контрактының гамәлдә булу чоры бетү очракларыннан тыш), 3 һәм 7 пунктларында, 37 статьясындагы 1 өлешенең 1 пунктындагы «б» пунктчасында һәм 39 статьясындагы 2 өлешенең 4 пунктында каралган нигезләр буенча Татарстан Республикасы дәүләт граждан хезмәтеннән җибәрелгәндә тиешле еллар эшләгән өчен пенсия алу хокукына ия булалар. (11 өлеш 2014 елның 30 июнендәге 55-ТРЗ номерлы Татарстан Республикасы Законы белән кертелгән, 2014 елның 18 декабрендәге 125-ТРЗ номерлы Татарстан Республикасы Законы редакциясендә)
12. Дәүләт хезмәткәрләре Федераль законның 33 статьясындагы 1 өлешенең 2 (Татарстан Республикасы дәүләт граждан хезмәтенең «җитәкчеләр» яисә «ярдәмчеләр (киңәшчеләр)» категориясе вазыйфасын биләгән Татарстан Республикасы дәүләт граждан хезмәткәренең билгеләнгән вәкаләтләр чоры бетүгә бәйле рәвештә вакытлы хезмәт контрактының гамәлдә булу чоры беткән очракта), 5, 8 һәм 9 пунктларында, 37 статьясындагы 1 өлешенең 1 пунктындагы «а» пунктчасында һәм 81 − 83 пунктларында, 39 статьясындагы 1 өлешенең 2 – 4 пунктларында һәм 2 өлешенең 2 һәм 3 пунктларында каралган нигезләр буенча Татарстан Республикасы дәүләт граждан хезмәтеннән җибәрелгәндә, җибәрелгән вакытка картлык (инвалидлык) буенча иминият пенсиясенә хокук бирелүгә карамастан, тиешле еллар эшләгән өчен пенсия алу хокукына ия булалар. (12 өлеш 2014 елның 30 июнендәге 55-ТРЗ номерлы Татарстан Республикасы Законы белән кертелгән, 2014 елның 18 декабрендәге 125-ТРЗ номерлы Татарстан Республикасы Законы редакциясендә)
- Дәүләт хезмәткәрләре «Иминият пенсияләре турында» Федераль законның 8 статьясындагы 1 өлеше нигезендә картлык буенча иминият пенсиясен алу хокукын бирүче яшькә җиткәнче йә вакытыннан алда картлык буенча иминият пенсиясе яисә инвалидлык буенча иминият пенсиясе билгеләнгәнче Федераль законның 33 статьясындагы 1 өлешенең 1, 2 (Татарстан Республикасы дәүләт граждан хезмәтенең «җитәкчеләр» яисә «ярдәмчеләр (киңәшчеләр)» категориясе вазыйфасын биләгән Татарстан Республикасы дәүләт граждан хезмәткәренең билгеләнгән вәкаләтләр чоры бетүгә бәйле рәвештә вакытлы хезмәт контрактының гамәлдә булу чоры бетү очракларыннан тыш), 3 һәм 7 пунктларында, 37 статьясындагы 1 өлешенең 1 пунктындагы «б» пунктчасында каралган нигезләр буенча Татарстан Республикасы дәүләт граждан хезмәтеннән җибәрелгәндә, аларның әлеге Законның 32 статьясындагы 1 өлешенең 1 пунктында күрсәтелгән вазыйфаларда, шулай ук әлеге статьяның 21 өлеше нигезендә башка вазыйфаларда кимендә 15 ел эш (хезмәт) стажы булу шарты белән, тиешле еллар эшләгән өчен пенсия алу хокукына ия булалар. (2 өлеш 2014 елның 30 июнендәге 55-ТРЗ номерлы, 2014 елның 18 декабрендәге 125-ТРЗ номерлы Татарстан Республикасы законнары редакциясендә)
21. Әлеге статьяның 1 өлешендәге 2 пунктында һәм 2 өлешендә күрсәтелгән эш (хезмәт) стажына шулай ук әлеге Законның 32 статьясындагы 1 өлешенең 2, 7, 10 һәм 11 пунктларында күрсәтелгән вазыйфаларда Татарстан Республикасында эшләү (хезмәт итү) чорлары, әгәр бу чорлар әлеге Законның 32 статьясындагы 1 өлешенең 1 пунктында күрсәтелгән вазыйфаларда турыдан-туры эшкә (хезмәткә) кадәр һәм (яисә) турыдан-туры аннан соң булса, гомуми дәвамлылыгы 5 елдан арттырылмыйча кертелә. Бу чакта әлеге Законның 32 статьясындагы 1 өлешенең 1 пунктында күрсәтелгән вазыйфаларда эшкә (хезмәткә) кадәр яисә эштән (хезмәттән) соң эзлекле рәвештә әлеге Законның 32 статьясындагы 1 өлешенең 2, 7, 10 һәм 11 пунктларында күрсәтелгән вазыйфаларда эшләү (хезмәт итү) чорлары барысы да исәпкә алына. (21 өлеш 2014 елның 30 июнендәге 55-ТРЗ номерлы Татарстан Республикасы Законы белән кертелгән)
3. Тиешле еллар эшләгән өчен пенсия «Иминият пенсияләре турында» Федераль законның 8 статьясындагы 1 өлеше нигезендә картлык буенча иминият пенсиясен алу хокукын бирүче яшькә җиткәч йә вакытыннан алда картлык буенча иминият пенсиясе яисә инвалидлык буенча иминият пенсиясе билгеләнгән вакытта билгеләнә. Тиешле еллар эшләгән өчен пенсия гомер буена билгеләнә һәм ай саен түләнә. (3 өлеш 2014 елның 30 июнендәге 55-ТРЗ номерлы, 2014 елның 18 декабрендәге 125-ТРЗ номерлы Татарстан Республикасы законнары редакциясендә)
- Тиешле еллар эшләгән өчен пенсияне тиешле елда билгеләү өчен кирәкле дәвамлылыгы әлеге Законга кушымта нигезендә билгеләнә торган дәүләт хезмәте стажы булганда, дәүләт хезмәткәрләренә тиешле еллар эшләгән өчен пенсия дәүләт хезмәткәренең айлык акчалата тулы кеременең 20 проценты күләмендә билгеләнә. Дәүләт хезмәте стажының күрсәтелгәннән артып киткән һәр тулы елы өчен тиешле еллар эшләгән өчен пенсия айлык акчалата тулы керемнән 3 процентка арттырыла. Шул ук вакытта тиешле еллар эшләгән өчен пенсия күләме дәүләт хезмәткәренең айлык акчалата тулы кеременең 50 процентыннан артыграк була алмый. (Беренче абзац 2011 елның 19 маендагы 24-ТРЗ номерлы, 2016 елның 26 декабрендәге 107-ТРЗ номерлы Татарстан Республикасы законнары редакциясендә)
Икенче абзац үз көчен югалткан. – 2013 елның 25 февралендәге 13-ТРЗ номерлы Татарстан Республикасы Законы
41. Тиешле еллар эшләгән өчен пенсиянең әлеге статьяның 4 өлеше нигезендә билгеләнгән күләме картлык буенча хезмәт пенсиясенең иминият өлешенең картлык буенча иминият пенсиясенә «Иминият пенсияләре турында» Федераль законның 16 статьясындагы 1 өлеше нигезендә билгеләнеп беркетелгән түләүдән артмаган очракта, тиешле еллар эшләгән өчен пенсия картлык буенча иминият пенсиясенә шушы беркетелгән түләүгә тигез күләмдә түләнә. (41 өлеш 2013 елның 25 февралендәге 13-ТРЗ номерлы Татарстан Республикасы Законы белән кертелгән, 2014 елның 18 декабрендәге 125-ТРЗ номерлы Татарстан Республикасы Законы редакциясендә)
- Тиешле еллар эшләгән өчен пенсия күләме, тиешле еллар эшләгән өчен пенсия билгеләүне сорап мөрәҗәгать иткән затның дәүләт хезмәте туктатылган көнгә яисә картлык буенча иминият пенсиясе алу хокукын бирүче яшькә җиткән көненә биләгән дәүләт хезмәте вазыйфасы буенча йә дәүләт хезмәтенең бүтән вазыйфасы буенча шушы урында эшләгән вакыты кимендә 12 тулы ай булу шарты белән айлык акчалата түләүдән чыгып, шушы зат теләге буенча исәпләп чыгарыла.
Дәүләт хезмәтенең күрсәтелгән вазыйфалары тиешле еллар эшләгән өчен пенсия билгеләүне сорап мөрәҗәгать итү мизгеленә бетерелгән очракта, акчалата айлык тулы керем күләме шуңа охшаш йә дәүләт хезмәтенең шуңа тиңләштерелгән вазыйфасы буенча Татарстан Республикасы Министрлар Кабинеты урнаштырган тәртиптә билгеләнә. (5 өлеш 2014 елның 18 декабрендәге 125-ТРЗ номерлы Татарстан Республикасы Законы редакциясендә)
6. Тиешле еллар эшләгән өчен пенсия исәпләп чыгарганда һәм билгеләгәндә айлык акчалата түләү составына вазыйфаи оклад һәм класслы чин өчен оклад кертелә. (6 өлеш 2018 елның 22 мартындагы 15-ТРЗ номерлы Татарстан Республикасы Законы редакциясендә)
- Үз көчен югалткан.– 2011 елның 19 маендагы 24-ТРЗ номерлы Татарстан Республикасы Законы
- Тиешле еллар эшләгән өчен пенсия билгеләү әлеге статьяның 1 һәм 2 өлешләре нигезендә тиешле еллар эшләгән өчен пенсия алуга хокукы булган гражданның гаризасы буенча, шул исәптән электрон документ рәвешендә, башкарыла. (8 өлеш 2012 елның 12 июлендәге 48-ТРЗ номерлы Татарстан Республикасы Законы редакциясендә)
- Тиешле еллар эшләгән өчен пенсия билгеләү, аларның күләмнәрен яңадан исәпләп чыгару һәм аларны түләү, аларны китереп тапшыруны оештыруны да кертеп, Татарстан Республикасы Министрлар Кабинеты вәкаләт тапшырган орган тарафыннан башкарыла. Пенсияләр түләү тиешле еллар эшләгән өчен пенсия билгеләнүче затның яшәү урыны буенча башкарыла. Пенсионер торак урынын алыштырганда тиешле еллар эшләгән өчен пенсия түләү, аны китерүне оештыруны да кертеп, аның яңа яшәү урыны яисә пенсия эше һәм теркәү органнары тарафыннан билгеләнгән тәртиптә бирелүче теркәү турындагы документлар буенча гамәлгә ашырыла.
Татарстан Республикасы территориясеннән читкә даими яшәү урынына киткән затларга тиешле еллар эшләгән өчен пенсияне түләү тәртибе Татарстан Республикасы Министрлар Кабинеты тарафыннан билгеләнә.
- Тиешле еллар эшләгән өчен пенсия гариза, шул исәптән электрон документ рәвешендә, бирелгән көннән билгеләнә һәм түләнә, ләкин Татарстан Республикасы дәүләт вазыйфасыннан яисә Татарстан Республикасы дәүләт граждан хезмәте вазыйфасыннан, йә Россия Федерациясе дәүләт вазыйфасыннан яисә федераль дәүләт хезмәте вазыйфасыннан, йә Россия Федерациясе субъектлары дәүләт хезмәте вазыйфасыннан яки дәүләт граждан хезмәте вазыйфасыннан, йә сайлап куела торган муниципаль вазыйфадан яки муниципаль хезмәт вазыйфасыннан азат ителгән һәм әлеге статьяның 3 өлешендә каралган шартлар үтәлгән көннән соң килә торган көннән дә алданрак түгел.
- Тиешле еллар эшләгән өчен пенсия билгеләнгән затлар әлеге статьяның 10 өлешендә күрсәтелгән вазыйфаларны биләгәндә тиешле еллар эшләгән өчен пенсия түләү күрсәтелгән вазыйфаларның берсен биләгән көннән башлап туктатып торыла.
Әлеге затларны күрсәтелгән вазыйфалардан азат иткәннән соң аларга тиешле еллар эшләгән өчен пенсия түләү элеккеге шартларда яңартыла яки аларның гаризасы буенча, шул исәптән электрон документ рәвешендә, пенсия әлеге Закон нигезендә Татарстан Республикасы дәүләт граждан хезмәтенең соңгы вазыйфасы буенча яңадан билгеләнә.
- Тиешле еллар эшләгән өчен пенсияне индексацияләү (өстәмә арттыру), дәүләт хезмәткәрләренең вазыйфаи окладлары үзәкләштерелгән тәртиптә арттырылганда, тиешле еллар эшләгән өчен пенсиянең әлеге статьяның 4 өлеше кагыйдәләре буенча исәпләнгән күләмен тиешле дәүләт хезмәте вазыйфасы буенча вазыйфаи окладларны арттыру индексына арттыру юлы белән гамәлгә ашырыла.
Тиешле еллар эшләгән өчен пенсия күләмен яңадан исәпләп чыгару (корректировкалау) билгеләнгән тәртиптә дәүләт хезмәте стажының дәвамлылыгы үзгәргәндә әлеге статьяның 4 һәм 5 өлешләре нигезендә пенсионерның гаризасы буенча, шул исәптән электрон документ рәвешендәге, башкарыла. Бу очракта пенсия күләмен яңадан исәпләп чыгару пенсионерның гаризасы кабул ителгән айдан соң килүче айның беренче числосында башкарыла. Гариза яңадан болай исәпләп чыгару өчен кирәкле барлык документларны бер үк вакытта тапшырганда кабул ителә.
Бер үк вакытта әлеге Закон нигезендә тиешле еллар эшләгән өчен пенсия һәм федераль законнар, Татарстан Республикасы законнары, Россия Федерациясенең башка субъектлары законнары, җирле үзидарә органнары актлары нигезендә федераль бюджет, Татарстан Республикасы бюджеты, Россия Федерациясенең башка субъектлары бюджетлары, җирле бюджетлар акчалары исәбеннән билгеләнә һәм финанслана торган федераль дәүләт граждан хезмәткәре яисә муниципаль хезмәткәр буларак тиешле еллар эшләгән өчен пенсия, тиешле еллар эшләгән өчен башка нигезләр буенча пенсия, гомере буена айлык акчалата түләү алу, Татарстан Республикасы дәүләт вазыйфаларын яисә Татарстан Республикасында муниципаль вазыйфаларны биләгән затларның пенсиясенә айлык өстәмә, өстәмә рәвештә (гомере буена) айлык матди тәэмин ителү, инвалидлык буенча пенсия (инвалидлык буенча иминият пенсиясеннән тыш), картлык (инвалидлык) буенча иминият пенсиясенә айлык башка өстәмә алу хокукына ия дәүләт хезмәткәренә әлеге Закон нигезендә тиешле еллар эшләгән өчен пенсия түләнә яисә, федераль законнарда башкасы каралмаган булса, аның теләге буенча бүтән түләү бирелә. (13 өлеш 2014 елның 30 июнендәге 55-ТРЗ номерлы, 2014 елның 18 декабрендәге 125-ТРЗ номерлы Татарстан Республикасы законнары редакциясендә)
- Тиешле еллар эшләгән өчен пенсия түләү, аны китереп тапшыру, пенсиядән тотып калулар, әлеге Закон белән башкасы каралмаса, иминият пенсиясе түләү, китереп тапшыру һәм тотып калу өчен каралган тәртиптә башкарыла. (14 өлеш 2014 елның 18 декабрендәге 125-ТРЗ номерлы Татарстан Республикасы Законы редакциясендә)
- Тиешле еллар эшләгән өчен пенсия түләү буенча кирәкле документлар исемлеге, күрсәтелгән пенсияне сорап мөрәҗәгать итү, аны билгеләү һәм пенсия күләмен яңадан исәпләп чыгару, пенсия түләү, пенсия документларын алып бару кагыйдәләре Татарстан Республикасы Министрлар Кабинеты тарафыннан билгеләнә.
46 статья. Әлеге Закон үз көченә кергәнче дәүләт хезмәте вазыйфаларын биләгән затларны пенсия белән тәэмин итү
- Дәүләт хезмәте вазыйфаларын, әлеге Законның 32 статьясындагы 1 өлешнең 1 пунктында күрсәтелгән вазыйфаларны биләгән һәм картлык (инвалидлык) буенча дәүләт пенсиясенә әлеге Закон үз көченә кергәннән соң чыккан затлар тиешле еллар эшләгән өчен пенсия алу хокукына әлеге Законның 45 статьясында билгеләнгән шартларда һәм тәртиптә ия була.
- Дәүләт хезмәте вазыйфаларын, әлеге Законның 32 статьясындагы 1 өлешнең 1 һәм (яисә) 9 пунктларында күрсәтелгән башка вазыйфаларны биләгән затлар, дәүләт пенсиясенә картлык (инвалидлык) буенча 2003 елның 1 февраленә кадәр чыккан булсалар һәм аларга тиешле еллар эшләгән өчен пенсия билгеләнмәгән булса, әлеге Законның 45 статьясында билгеләнгән шартларда һәм тәртиптә тиешле еллар эшләгән өчен пенсия алу хокукына ия булалар, бу чакта әлеге статьяның 3 һәм 4 өлешләрендә билгеләнгән үзенчәлекләр исәпкә алына.
- Әлеге статьяның 2 өлешендә күрсәтелгән затлар әлеге Закон нигезендә тиешле еллар эшләгән өчен пенсия алу хокукына әлеге Законның 32 статьясында күрсәтелгән вазыйфаларда эшләү (хезмәт итү) стажы булганда ия булалар. Бу чакта Татарстан Республикасында эшләү (хезмәт итү) стажы әлеге Законның 32 статьясындагы 1 өлешнең 1 һәм (яисә) 9 пунктларында санап үтелгән вазыйфаларда ун елдан да ким булмаска тиеш.
- Дәүләт хезмәтенең аерым шартлары өчен, класслы чины өчен, тиешле еллар эшләгән өчен өстәлмәләр билгеләнгәнче, шулай ук дәүләт хезмәткәрләре хезмәтенә түләү системасында каралган премияләр һәм матди ярдәм билгеләнгәнче дәүләт хезмәтеннән киткән затларга акчалата түләү күләме әлеге түләүләрне исәпкә алмыйча билгеләнә.
461 статья. Тиешле елларны эшләгән өчен пенсия билгеләүне һәм түләүне мәгълүмати тәэмин итү
Әлеге Закон нигезендә тиешле елларны эшләгән өчен пенсия билгеләү һәм түләү турындагы мәгълүмат Социаль тәэмин итүнең бердәм дәүләт мәгълүмат системасында урнаштырыла. Күрсәтелгән мәгълүматны Социаль тәэмин итүнең бердәм дәүләт мәгълүмат системасына урнаштыру (алу) «Дәүләт социаль ярдәме турында» 1999 елның 17 июлендәге 178-ФЗ номерлы Федераль закон нигезендә гамәлгә ашырыла.