КФУ планетарие Россиядә беренче тулы гөмбәзле уен фильмын булдырды

“Һава шарының сәяхәте – күккә һәм аннан да югарырак” – планетарийларда күрсәтү өчен әзерләнгән Россия җитештерүендәге беренче уен фильмы.

Планетарийлар белем алу һәм йолдызлы күк белән хозурлану урыны булса да, кече яшьтәге балалар өчен фильмнарга зур ихтяыҗ бар. КФУ планетарие да искәрмә булып тормый: тәкъдим ителгән алты фильмнарның 4 яшьтән алып 5 яшькә кадәрге сабыйлар өчен берсе дә туры килми. “Һава шарының сәяхәте – күккә һәм аннан да югарырак” әлеге проблеманы чишәргә булыша һәм балаларга безнең планетаны нәрсә биләп алган, космос кайда башлана һәм аның тирәнлегендә ниләр өйрәнеп булганлыгы турында сөйли.

Яңа фильм балалар өчен әзерләнгән Яңа ел чыршыларының үзәк өлешенә әйләнәчәк. Киләчәктә аны Россия һәм халыкара масштаблардагы фестивальләрдә һәм тулы гөмбәзле фильмнар конкурсларында тәкъдим итәргә уйлыйлар, дип хәбәр итә КФУ матбугат хезмәте.

Исегезгә төшерәбез, КФУ планетарие җитештерүенең "Поэзия Вселенной” исемендәге иң беренче картинасы – М.Ломоносов шигырьләре белән озата баруында космик пейзаж һәм фантазияләрне кыскаметражлы итеп тасвирлау – Новосибирскида үткәрелүче "Domefest-2014” тулы гөмбәзле фильмнар халыкара фестиваленең призерлары рәтенә керде.