Татарстанда Константин Васильев музеен реставрацияләүгә акча җыю башланды
Васильево бистәсендәге Константин Васильев мемориаль музее, республикада “төньяк символизм”га нигез салучының бердәнбер йорт-музее ашыгыч реконструкциягә мохтаҗ. Узган гасырның 20 нче елларында төзелгән бина авария хәлендә: конструкцияләрнең тузганлыгы һәм капиталь ремонт булмау сәбәпле, 30 ел дәвамында экспонатларның һәм мәдәни мирас объектының сакланышына куркыныч яный.
Татарстан Республикасы Яшел Үзән районының Васильево шәһәр тибындагы бистәсендә урнашкан Константин Васильев мемориаль музее масштаблы реставрациягә мохтаҗ. Иң танылган үзенчәлекле рус рәссамнарының мирасын саклаучы мәдәният учреждениесе җәмәгатьчелеккә бинаны капиталь ремонтлауга акча җыюда ярдәм сорап мөрәҗәгать итте.
Оста яшәгән һәм иҗат иткән бина узган гасырның 20 нче елларындагы йорт-барактан гыйбарәт - ул индустриализация чоры архитектурасы үрнәге. Бу бистәдә мондый типтагы бердәнбер сакланып калган йорт.
Музейның инде төгәл эш планы бар. Татарстан Республикасы Мәдәният министрлыгы һәм ТР Рәисе ярдәмчесе Олеся Балтусова ярдәмендә киңлекне яңарту өчен фәнни концепция һәм дизайн-проект эшләнде. Бюджеттан тыш чыганаклардан документлар әзерләүгә инде 1,8 млн сум җибәрелгән.
Планнарда - конструкцияләрне ныгыту, фасадны яңарту, түбәләрне ремонтлау, ә аннары интерьерларны заманча бизәү, инженер системаларын алыштыру. Яңа концепция музей эшчәнлеген берләштерергә, аның киңлеген заманча һәм ачык итәргә, һәр кунак Константин Васильевның эшен тирәнтенрәк аңлый алсын өчен юнәлтелгән.
Музейны торгызу өчен шәһәр һәм район бюджетында акча җитмәү сәбәпле, оештыручылар битараф булмаган гражданнарга мөрәҗәгать итәләр.
Иганәләрне күчерү өчен реквизитлар (түләүнең билгеләнешен күрсәтеп):
Исем: СЭР ЗР ФОНДЫ
ИНН: 1648053928
КПП: 164801001
Исәп-хисап счеты: 40703810162710000195
Банк: Сбербанк ААҖнең 8610 номерлы “Татарстан Банкы” бүлекчәсе
БИК банка: 049205603
Кор.хисап: 30101810600000000603
Түләүнең максаты: Константин Васильев музее өчен
Белешмә
Константин Васильев - совет рәссамы, “төньяк символизм” юнәлешенә нигез салучы. Аның тирән фәлсәфи мәгънәсе һәм эпик көче белән аерылып торган картиналары Татарстанның гына түгел, бөтен Рәсәй Федерациясенең байлыгы булып тора. Васильево шәһәр тибындагы бистәсендәге мемориаль йорт - исән чагында киң танылу алмаган, әмма рәсем сәнгатен яратучылар өчен культ фигурасына әйләнгән останың тормыш атмосферасы сакланган бердәнбер урын.
Ярдәм күрсәтүнең барлык сораулары буенча “ЗМР музей берләшмәсе” МБУ директоры Данилова Резеда Йосыф кызына (тел.: 8 (904) 767-59-17) яисә Яшел Үзән шәһәренең социаль-икътисадый үсеш фонды телефоны буенча мөрәҗәгать итәргә була: 8 (917) 855-80-38.