Экскурсоводларны аттестацияләү дәвам итә
Татарстанда 586 экскурсовод һәм гид-тәрҗемәче рәсми аттестация алды. 2025 елдан гидлар аттестацияне бөтен республика буенча гына түгел, ә аерым муниципалитетлар яки махсус сакланылучы табигать территорияләре буенча да узарга хокуклы.
29 гыйнварда 2026 елда экскурсоводларның (гидларның), тәрҗемәче гидларның аттестация комиссиясенең беренче утырышы булды.
Хәзерге вакытта Татарстан Республикасында 586 экскурсовод, шул исәптән инглиз, гарәп, немец, татар, төрек, француз һәм испан телләрен белгән гид-тәрҗемәчеләр аттестацияне уңышлы узган.
Исегезгә төшерәбез, экскурсия хезмәтләрен түбәндәге шартларны үтәгәндә генә күрсәтергә мөмкин:
- экскурсоводларның Рәсәй Федерациясе законнарында каралган тәртиптә аттестация узуы;
- күкрәк өстенә идентификацион карточка (бейдж) булу.
Хезмәтләрне аттестациясез һәм бейджсыз күрсәткән очракта РФ КоАПның 14.51 маддәсе нигезендә административ җаваплылык каралган.
Игътибар итәбез, 2025 елдан экскурсоводларның экскурсия хезмәтләре күрсәтү территориясен сайлап, аттестация узу мөмкинлеге барлыкка килде:
- Татарстан Республикасы;
- Татарстан Республикасының аерым муниципаль берәмлекләре;
- Татарстан Республикасы территориясендә урнашкан махсус саклана торган табигать территорияләре.
Бик мөһим!
Агымдагы елның I кварталында экскурсоводларны аттестацияләү кысаларында квалификация имтиханын тестлаштыру һәм практик бирем (телдән өлеш) мәсьәләләре исемлегенә үзгәрешләр кертү көтелә.
Сорауларның актуаль исемлеге түбәндәге сылтама буенча бастырылачак: https://tourism.tatarstan.ru/voprosi-i-temi-k-testirovaniyu-i-sobesedovaniyu.htm.
Татарстан Республикасы экскурсоводларын аттестацияләү мәсьәләләре буенча өстәмә мәгълүмат алу өчен телефоннар буенча мөрәҗәгать итегез: +7(843) 222-90-55, +7(843) 222-90-40.