Татарстан Рәсәйнең тотрыклы туризм үсеше буенча иң яхшы биш төбәге арасына керде
Мәскәүнең “Крокус Экспо” сында Рәсәйдә иң эре MITT халыкара туристик күргәзмәсе узачак, анда Татарстан Республикасы үзенең потенциалын Visit Tatarstan махсус стендында тәкъдим итәчәк. 70 илдән 1000 компанияне һәм 16 000 белгечне көткән чара туризм һәм кунакчыллык индустриясендә яңа мөмкинлекләрне күрсәтү һәм эшлекле элемтәләрне ныгыту өчен төп мәйданчык булачак.
Татарстан Республикасы 11-13 март көннәрендә "Крокус Экспо” ХКҮдә узачак MITT туризм һәм кунакчыллык индустриясенең 32 нче Халыкара күргәзмәсендә катнашачак. Татарстан Республикасы Туризм буенча дәүләт комитеты төбәк потенциалын Visit Tatarstan стендында тәкъдим итәчәк, анда җирле туроператорлар, кунакханәләр һәм музей-тыюлыклар да үз тәкъдимнәрен күрсәтәчәк.
РФ Хөкүмәте, Федерация Советы һәм профильле министрлыкларның рәсми ярдәме белән уза торган күргәзмә яңа мөмкинлекләрне күрсәтү мәйданчыгы булачак. Оештыручылар Рәсәйнең 80 төбәгеннән һәм 70 илдән, шул исәптән Кытай, Һиндстан, БДБ дәүләтләреннән, Көньяк-Көнчыгыш Азиядән һәм Якын Көнчыгыштан 1 000нән артык компания һәм 16 000 профессиональ килүчеләр катнашыр дип көтәләр.
Экспозиция индустриянең барлык сегментларын да үз эченә ала: массакүләм туризмнан алып ниша юнәлешләренә кадәр. 17 тематик бүлектә туроператорлар һәм турагентлыклар, кунакханәләр, онлайн-платформалар, мәдәни мирас объектлары, шулай ук караванинг, глэмпинг һәм автомототуризмга багышланган аерым зона тәкъдим ителәчәк.
Эшлекле программага аерым игътибар бирелә. Дискуссияләрдә федераль һәм төбәк хакимият органнары җитәкчеләре, тармакның эре компанияләре башлыклары һәм тармак экспертлары катнашачак. Традиция буенча күргәзмәгә дәүләт һәм чит ил делегацияләренең беренче затлары килә.
MITT - яңа проектлар булдыру һәм халыкара хезмәттәшлекне ныгыту өчен хакимият, бизнес һәм профессиональ бергәлек вәкилләре очраша торган мәйданчык.
Татарстанның күргәзмәдә катнашуы халыкара хезмәттәшлек өчен яңа юллар ача. Бу эш “Туризм һәм кунакчыллык” милли проектының максатларына ирешүгә ярдәм итә, аның нигезендә Рәсәйнең туристлык хезмәтләре экспорты 2030 елга өч тапкырга арттырылырга тиеш.