Татарстан проектлары «Ел маршруты» XII Бөтенроссия туристлык премиясендә җиңү яулады
Татарстан Республикасы проектлары «Ел маршруты» XII Бөтенроссия туристлык премиясе призерлары булды. Конкурста Россия һәм Белоруссиядән 360 проект катнашты, алар алты номинациядә бүләкләр алды.
Пермьдә «Ел маршруты» XII Бөтенроссия туристлык премиясенә йомгак ясадылар. Илебез туриндустриясендә төп премияләрнең берсе булган бәйге быел үзенең нигезләүчесе – Геннадий Шаталов истәлегенә багышланган иде. Конкурска Россиянең 59 төбәгеннән һәм Беларусь Республикасыннан рекордлы 455 проект тапшырылган, шуларның 360ы финалга кадәр кертелгән.
Конкурс нәтиҗәләре буенча Татарстан проектлары призлы урыннар яулады.
· Мәгариф туризмының иң яхшы маршруты
Беренче урынны «Сәяхәт технологияләре» агентлыгының белем бирү экскурсияләре сериясе алды.
· Шәһәрнең иң яхшы туристлык картасы
Икенче урында – шәхси эшкуар Закиров Рушан Заһир улы тәкъдим иткән Казан шәһәренең туристлык картасы.
· Сәнәгать туризмының иң яхшы маршруты
Икенче урынны KazanTrip экскурсия үзәгеннән КАМАЗ заводына «Легенданың пәрдә артына» экскурсиясе алды.
· Иң яхшы музей экскурсиясе
Премиянең Гран-приен «Ак Барс Арена» стадионыннан «Ак Барс Арена» стадионының футбол тормышына багышланган «Спорт эффекты» интерактив музее буйлап экскурсия алды.
· Гаилә сәяхәтенең иң яхшы туристлык маршруты
Гран-при «Загадки Казани» туроператоры тарафыннан «Карлы яңа ел: казанлылар 100 ел элек Яңа елны ничек каршы алганнар» яңа ел программасына бирелде.
· Иң яхшы велосипед маршруты
«Масштаблы велопроект өчен» махсус дипломны Казанның туристлыкны үстерү комитеты Казан төнге велофестын оештырган өчен алды.
Премиянең эшлекле программасы кысаларында шулай ук Геннадий Шаталовның «Маршруты, которые вдохновляют на путешествия» китабын тәкъдир итү булды һәм аның «Люди едут к людям» дигән яңа китабының чыгуы турында игълан ителде. Автор аның өстендә исән чагында ук эшли башлаган, һәм аның командасы бу башлангычны дәвам итәчәк.