«Туристлык һәм кунакчыллык» илкүләм проекты бизнес һәм ял өчен яңа мөмкинлекләр ача
Менделеевск районында «Туристлык һәм кунакчыллык» илкүләм проекты кысаларында ял итү өчен яңа объектлар барлыкка килә. Җирле эшкуарлар, дәүләт субсидияләрен алып, районның туристлык җәлеп итүчәнлеген арттырып, ял итү өчен яңа объектлар ачалар.
«Туристлык һәм кунакчыллык индустриясе» (2025 елдан «Туристлык һәм кунакчыллык») илкүләм проектында катнашу нәтиҗәсендә Менделеевск районы туристлык инфраструктурасын актив үстерә, кунакларга сыйфатлы һәм төрле ял итү вариантларын тәкъдим итә. Җирле эшкуарларның уңышлы мисаллары дәүләт ярдәменең кирәкле урнашу һәм ял итү объектларын булдырырга ярдәм итүен ачык күрсәтә.
«Шифалы су — Ижминводы» шифаханәсе территориясендәге глэмпинг субсидияләр программасы эшенең бер мисалы булды. Илкүләм проект ярдәме белән 2023 елда биредә 16 уңайлы мобиль модуль булдырылган. 2025 елның ун аенда объект 637 кешене кабул иткән. Балалар белән туристларны җәлеп итү өчен төрле яшь категорияләре өчен зоналары булган заманча балалар уен мәйданчыгы да төзекләндерелгән.
Тагын бер уңышлы проект – 2023 елда инвестор акчасына ачылган 12 номерлы «Тулпар» кунакханәсе. Илкүләм проектта катнашу аны өстәмә инфраструктура белән тәэмин итәргә мөмкинлек биргән: кунаклар өчен террасалы һәм купельле ачык мунча төзелгән.
Исегезгә төшерәбез, 2025 елда туристлык җиһазлары сатып алуга субсидияләр алу, «Туристлык һәм кунакчыллык» илкүләм проекты кысаларында вакыйгалы чаралар уздыру өчен катнашучыларны сайлап алу дәвам итә. Гаризаны 7 ноябрьдә 23:59 сәгатькә кадәр Дәүләт финанс ярдәме чараларын күрсәтү порталы аша бирергә мөмкин. Тулырак мәгълүмат сайтта бар.