Казанда I Россия туроператорлары форумы белән берлектә «Киләчәк ориентирлары» VIII туристлык форумы узачак
Татарстан башкаласында киң колачлы тармак вакыйгасы узачак, ул бөтен Россиядән эчке һәм килүче туристлар буенча 450дән артык туроператорны берләштерәчәк. Быелгы форум төбәк турпродуктларын һәм кабул итүче компанияләрне үстерүгә юнәлдерелгән, ә төп темаларның берсе туристлык өлкәсенә ясалма интеллект кертүгә багышланачак.
2025 елның 9-10 октябрендә Казан «Киләчәк ориентирлары» VIII туристлык форумын кабул итәчәк, аның кысаларында беренче тапкыр Россия туроператорларының I форумы узачак. Чара Татарстан Республикасы Туристлык буенча дәүләт комитеты һәм туристлык тармагының 3500дән артык предприятиесе мәнфәгатьләрен яклаучы Россия туриндустрия берлеге (РСТ) тарафыннан оештырыла.
«Казанда I Россия туроператорлары форумы белән берлектә «Киләчәк ориентирлары» VIII туристлык форумын уздыру — илнең туристлык тармагын үстерүдә Татарстанның алдынгы ролен ассызыклаучы мөһим вакыйга», — дип билгеләп үтте Татарстан Республикасы Туристлык буенча дәүләт комитеты рәисе Сергей Иванов.
Форумның эшлекле программасы региональ кабул итүче компанияләрне үстерүгә багышланачак, алар бүген эчке һәм тышкы туристлыкны үстерүдә төп уенчылар булып торалар. Беренче көн норматив җайга салу, турпродукт булдыру һәм инновацион технологияләр кертү буенча эксперт сессияләре белән ачылачак. Туристлык өлкәсендә ясалма интеллектны куллануга аерым игътибар биреләчәк – сервисны автоматлаштырудан алып персональләштерелгән тәкъдимнәр генерациясенә кадәр.
Форумның икенче көне «Туристлык индустриясе эволюциясе. Киләчәк туроператорлары» темасына федераль һәм төбәк хакимият органнары вәкилләре катнашында пленар сессия узачак. Сессия кысаларында туроператорларның икътисадый роле, туристлык инфраструктурасын үстерү һәм туристлык тармагына дәүләт ярдәме турында фикер алышачаклар.
Форум Казанда «Millennium Panorama Hotels» яңа кунакханә комплексында узачак һәм илнең туристлык тармагын үстерүгә яңа алымнар эшләү өчен әһәмиятле мәйданчык булачак.